Firudin Qurbanovun növbəti yalanları

Elm və təhsil naziri müavini Firudin Qurbanov deyir ki, Qadınların ailə məsələlərinə görə təhsildən uzaq durması bizi narahat edir. Biz indi bu sözə necə inanaq???

Əvvəllər müəllimlik peşəsinə deyirdilər əsl qadın peşəsidir. Qadın bir ana, öyrədən, tərbiyələndirən, qayğıkeş, fədakar idi. Səhər dərsini tədris edər, evinə gələr və evinin qayğılarını çəkərdi, həmçinin öz övladlarının təlimi və tərbiyəsi ilə məşğul olardı. İndi müəllimlər elə bir vəziyyətdə çalışır ki, evə gəlir dayanmadan sənəd işləri, summativlər, diaqnostiklər, təhlillər, açıq dərslər, elektron jurnallar, 24 saat davam edən formativlər və s. Bu da az deyil ki, müəllimin aşağəlançası, xor görülməsi, üzərində qurulan psixoloji zorakılıq sinir sistemini çökdürür.

Hələ bundan sonra da deyirlər müəllimlər 08:00-dan 18:00-a kimi işləsin. Müəllimlər isə artıq həqiqətən dayanacaq gücləri qalmayıb. Sevdikləri peşələrin qarşı ikrah hissi yaranır. Buna rəğmən, bunu edənin məhz onlar olduğunu bilməyimizə rəğmən Firudin Qurbanovun nəyinə inanaq??? Axı bu yalanlar kimə və nəyə lazımdır???

Bu dəqiqə kimi dindirsən deyir əsas odur müəllimliyə düşməyim, əsas odur müəllim işləməyim. Ətrafımızda artıq bir çox müəllim tamam başqa sahələrdə çalışmağa başlayıb. Hər nə olur olsun məktəb olmasın. Ola bilər bu Emin Əmrullayevin və Firudin Qurbanov kimilərin zəfəridir, baxıb gülür, sevinirlər.
Amma millətin, insanlığın, dünyanın, Azərbaycanın məğlubiyyətdir.