Qələbəsini şəhidlərə ithaf edən gənc çempiondan təşəkkür məktubu
11 -13 aprel tarixində Azərbaycan Kikboksinq Federasiyası və Xüsusi Təyinatlı İdman Klubunun təşkilatçılığı ilə Ulu Öndər Heydər Əliyevin anadan olmasının 102-ci ildönümü münasibətilə təşkil edilən açıq çempionatda iştirak edən, peşəkar idmanla məşğul olan Borcəli Omar Rəşad yarışdan qələbə ilə ayrılıb.
Borcəli Omar çempionatda Daxili İşlər Nazirliyinin Daxili Qoşunların xüsusi təyinatlıları adından iştirak edib. O, öz qələbəsini Daxili Qoşunların Vətən müharibəsində şəhid olan 66 xüsusi təyinatlısına ithaf edib.
O, bu yarışın təşkilində, bu çətin qələbəni əldə etməsində indiyə qədər iştirakı və əməyi keçənlərə təşəkkür məktubu ünvanlayıb.
Öncə onu vurğulayaq ki, olduqca əlamətdar gün münasibətilə keçirilən yarış həm də ölkəmizdə idmanın inkişafının bariz nümunələrindən biridir. 700-dən çox yarışçının qatılması yarışın əhəmiyyətindən xəbər verir. Bu baxımdan təşkilati məsələlərin də yüksək səviyyədə həllində, gənclərin idmana olan həvəsinin artmasında, bacarıqlarını inkişaf və nümayiş etdirməsində Kikboksinq Federasiyasının xüsusi rolu var.
Gənc idmançı təşəkkür məktubunda Kikboksinq Federasiyasının rəhbəri Orxan Əliyevə, vitse-prezidenti Adil Əliyevə, Daxili İşlər Nazirliyinin, Dövlət Təhlükəsizliyi Xidmətinin rəhbərliyinə, Daxili Qoşunların komandanlığına, o cümlədən, Qərargah rəisi general-mayor Tofiq Hüseynova, Fövqəladə Hallar Nazirliyinin rəhbərliyinə, Sərhəd Qoşunlarının komandanlığına, “Sərhədçi” İdman Olimpiya Mərkəzinin rəhbərliyi və şəxsi heyətinə, idman mərkəzinin rəhbərliyinə, Azərbaycan Respublikası Xüsusi Təyinatlı Qüvvələrin Kikboksinq klubunun rəhbəri Muxtar Allahyarova, yarışın təşkilatçılarından biri olan Elmin Mehdiyevə, ümumilikdə tədbirin bütün təşkilatçılarına və hakim heyətinə, yarışın baş hakimləri Aydın Ağabəyov, Elşad Ələsgərova, Suraxanı rayonu üzrə Gənclər və İdman sektorunun müdiri Amil Bağırova xüsusi minnətdarlığını çatdırıb.
Bir çox yeniyetmənin, o cümlədən Borcəli Omarın gənc idmançı kimi yetişməsində “Dəmir Yumruq” Kikboksinq klubunun, klubun baş məşqçisi Fərid Babayevin də əməyi danılmazdır. Bununla yanaşı, gənc idmançı müraciətində ailəsinin, xüsusilə də onu Vətənə məhəbbət, idmana peşəkar yanaşma ruhunda böyüdən atası Rəşad Borcəlinin əməyini xüsusi qiymətləndirərək təşəkkür edib. Gənc idmançıdan təşəkkür alanlar arasında Suraxanı rayonu İcra Hakimiyyətinin, Elm və Təhsil Nazirliyinin rəhbərliyinin, S.S.Axundov adına 172 saylı məktəbin direktoru Vəfa Bağırovanın, sinif rəhbəri, müəllim Gülfirə Mehrəliyevanın adı xüsusi vurğulanır.
DİN DQ XTQ - Omar Borcəli.
“Bakufakt.az”.
