SİYƏZƏNİN ƏSL QƏHRƏMAN MÜƏLLİMİ İLƏ TANIŞ OLAQ!
Bu gün sizləri qarşısında baş əyilməli, illərini təhsilə vermiş, ömür yolunu əsl bir əsgərin Vətən keşiyində durduğu kimi övladlarımızın təlim-tərbiyəsinə həsr etmiş müəllimlə tanış edəcəyəm. Bu müəllim, bəlkə də, uzun illərdə həqiqi zəhmətinin bəhrəsi ilə yeganə "Tərəqqi" medalına layiq görülmüş SEVİL ABUDOVA MƏMMƏDƏLİ qızıdır. Belə müəllimlərin qarşısında baş əymək biz vətəndaşların boynuzumun borcudur. Vətən belə müəllimlər sayəsində ayaqda durur.
18.12.1964-cü il təvəllüdlü hörmətli Sevil xanım Xaçmaz rayonunun Çarxı kəndində dünyaya göz açmış, ali təhsilini Azərbaycan Dövlət Universitetində almışdır. Universiteti bitirdiyi andan Azərbaycan dili və ədəbiyyatı üzrə müəllimi kimi fəaliyyətə başlamışdır. Fəaliyyəti dövründə şəhərin ən nümunəvi müəllimi olmuş, həm savadı, həm də əsl müəllim adına layiq hərəkətləri ilə xüsusilə diqqəti cəlb etmişdir. Siyəzən şəhər Cəfər Cabbarlı adına 1 saylı tam orta məktəbdə fəaliyyətindəki uğurlarına görə dəfələrlə Fəxri Fərman və müxtəlif təltiflər verilmiş, "İlin müəllimi" adına layiq görülmüşdür. Müəllimin uğurları Tək bunlarla da kifayətlənmir.
Siyəzən şəhəri üzrə ali təhsilə hazırlaşan ən yüksək ballı abituriyentlər də məhz Sevil müəllimin şagirdləri olmuşdur. Valideynlərin həsrətlə axtardığı həm tərbiyə, həm də təhsil sahəsində övladını əmanət etdiyi tək adress-Sevil Abudova idi.
Sevil xanımın uğurları bir deyil, 5 deyil... Səhifələrcə yazmaq olar bu haqda... Hələ də təhsilimizin inkişafında xüsusilə belə gözəl müəllimlərimizi nümunə kimi bütün dünyaya tanıtmalıyıq. Amma bizim diqqətimizi çəkən isə bu deyil. Səhhətində ciddi problemin yaranması ilə birinci dəfə sertifikasiyada iştirak edə bilməyən müəllim, ikinci şansına daxil olmağa çalışarkən həmin saatlarda ən ağır zərbə alır. Ömür-gün yoldaşı ağır vəziyyətdə təcili Bakı şəhərinə xəstəxanaya çatdırılmalıdır. Amma övladları təhsilə olan sevgisi, elmə fəda etdiyi ömrünə, əqidəsinə görə məcburi də olsa, analarını imtahana yollayır. Təssüflər olsun ki, lazımi tədbir görülməsə, bir həftəlik ömrü qaldığını bildiyi halda imtahanda iştirak etməli olur. Gənc oğlan övladlarının o vəziyyətdə nə hisslər keçirməsi və yoldaşının ifarktlı vəziyyətdə ölümlə boğuşarkən imtahanda olmaq və iştirak etməyin ağırlığı altında imtahandan uğurla keçmişdir.
Bu inanılmaz bir haldır. Bu imtahan digər imtahanlardan fərqli olaraq ağır bir sınaqdır. Təsəvvür etmək belə mümkün deyil. Allahın ağır imtahanı Sevil müəllim üçün 08 iyun tarixinə uyğun gəldi.
Sağlam, normal psixologiyada olan insanlar bilirlər ki, bu tip hallarda beyin sağ qalma rejiminə keçir, beyin bloklanır. Heç bir şey xatırlamaq, düşünmək, imtahanda iştirak etmək imkanı olmur. Müəllim fitri isdedad sahibi olmalıdır ki, ana südü əvəzinə fənn məlumatlarını əldə etməlidirki, belə bir hal yaşansın. Ayaq üstə alqışlanmalı olan bu qadını bütün səmimiyyətimiz və bütün vicdanımızla alqışlayırıq.
Nəinki sertifikasiya, elə həmin gün bəlkə də Respublika birincisi elan olunmalı idi. Sertifikasiya bilik bacarıqları müəyyən qədər yoxlaya bilər amma Sevil Müəllimin düşdüyü vəziyyət tam mənasında əsl savadı, biliyi, mənəviyyatı yoxlamaq üçün idi. Bu gündən, bu imtahandan sağsalamat çıxmağı bacardı.
Üstəlik müəllimin səhhətinin yaxşı olmaması, bundan əlavə şok keçirməsi və düşdüyü vəziyyətə görə ürəyində ağrılar yaransa da, sözünü tutub imtahanda iştirak etməli və dərhal özünü xəstəxanaya çatdırmalı idi. Bununla belə bu gün şükrlər olsun ki, yoldaşı uğurlu əməliyyat keçirmiş və sağalma yolundadır. Biz isə Bu QƏHRƏMAN MÜƏLLİMİN qarşısında baş əyirik. Bizim Sevil Müəllim kimi peşəsini layiqincə yerinə yetirən, uğurlu, əqidəli, vicdanlı və istedadlı müəllimlərimizə ehtiyacımız var.
Eşq olsun Sevil Müəllimə.
Qısa zaman ərzində Sevil Abudova ilə əlaqə saxlayıb ondan müsahibə alacağıq.
Əhsən!!!
Qarşısında baş əyirik![b][/b]
