Ucar rayon sakinləri tərəfindən ŞİKAYƏT
Ucar rayon üzrə Təhsil Sektorunun müdiri Rahib Burcəliyevin yarıtmaz fəaliyyətinə görə Ucar rayonunda bir çox məktəblərdə özbaşınalıq baş-alıb gedir ki, buna görə şagirdlər və valideynlər çox əziyət çəkirlər.
Ucar şəhər 1 nömrəli Texniki-Humanitar fənlər təmayüllü Məktəb-liseyində qızdırıcı sistem düzgün işlədilmədiyi üçün sinif otaqlarında şagirdlər soyuqdan donurlar. İstifadə edilən kombi qıcdırıcıları sinifləri isitmədiyi üçün şagirdlər otaqda palto - papaqla əyləşirlər.
Oxşar acınacaqlı vəziyyət Ucar şəhər 4 №-li, 5 №-li, 6 №-li və digər tam orta məktəblərdə də mövcuddur. Hətta siniflərin soyuq olmasından fənn müəllimləri də çox əziyyət çəkir, dərslərini keçə bilmirlər.
Ucar rayon üzrə Təhsil Sektorunun müdiri Rahib Burcəliyev problemin həlli üçün heç bir tədbir görmək istəmir. Baxmayaraq ki, valideynlər bu acınacaqlı vəziyyətdən hər gün şikayət edirlər.
Qeyd edək ki, həmin məktəblərdə müasir tipli kombi qızdırıcı sistemi var. Həmin istilik sisteminin qazla işlədilməsi nəzərdə tutulsa da, Rahib Burcalıyevin göstərişi ilə dizel yanacağı ilə işə salındığı üçün sistem pozulduğuna görə istilik vermir. Bunu isə ona görə etdirir ki, sayğac yazdığı üçün işlədilən qaza kələk gələ bilmirlər, ancaq işlədilən dizel yanacağını şişirdərək ayrılan pulu talan edə bilirlər. Rahib Burcəliyevin talançılığına görə məktəblərdə şagirdlər soyuqdan xəstəliyə yoluxurlar.
Ucar rayon üzrə Təhsil Sektorunun müdiri Rahib Burcəliyevin yarıtmaz fəaliyyəti nəticəsində Ucar məktəblərində antisanitariya da baş alıb gedir. Siniflər soyuq olduğu üçün şagirdlərin çoxu dərslərə gəlmirlər, qızılca xəstəliyi məktəblərdə tüğyan edir. Buna baxmayaraq, Rahib Burcaliyevin başı korrupsiya əməllərinə qarışdığına görə problemlərin həlli üçün heç bir addım atmaq istəmir.
Ən dəhşətlisi isə odur ki, Rahib Burcəliyev Ucar rayonu üzrə Təhsil Sektoruna müdir vəzifəsinə təyin ediləndən sonra Ucarda taksi fəaliyyəti ilə məşğul olan Etibar adlı şəxsi özünə köməkçi təyin edib. Elementar savadı olmayan Etibar adlı keçmiş taksi sürücüsü Rahib Burcalıyevə talançılığı həyata keçirməkdə yaxından köməklik göstərir. Bu səbəbdəndir ki, məktəb direktorlarından aylığı Etibar adlı keçmiş taxsi sürücüsü yığır.
Biz valideynlər mətbuat vasitəsi ilə Prezident cənab İlham Əliyevdən kömək istəyirik.
Cənab Prezident, Sizdən çox-çox xahiş edirik, Ucarda təhsili iflic etmiş Rahib Burcaliyevin barəsində ciddi tədbirlər görülməsinə və yaranmış problemin tez bir zamanda aradan qaldılmasına tapşırıq verəsiniz.mXalq Sizə inanır, Sizə güvənir və Sizi dəstəkləyir.
İmza; Ağayev Mahir Məhəmməd oğlu
Dadaşov Müşfiq Şakir oğlu
Səfərov Zahid Mikayıl oğlu
Kərimova Mətanət Rasim qızı
Rəhimova Bənövşə Qasım qızı
Nəsirova Nəzrin Vahid qızı və digərləri
