Cəlilabadda qeyri-sabit hava şəraiti zamanı 4 məktəbə ziyan dəyib
Cəlilabad rayonunda bir neçə gün əvvəl qeyri-sabit hava şəraiti zamanı ümumilikdə 4 orta məktəbə ziyan dəyib.
tehsilmedia.info "Report"a istinadən xəbər verir ki, bu barədə Lənkəran-Astara Regional Təhsil İdarəsindən bildirilib.
Həmçinin qeyd olunub ki, həmin məktəblərin təmir və bərpası üçün Elm və Təhsil Nazirliyin Təsərrüfat hesablı Əsaslı Tikinti və Təchizat İdarəsinə məlumat verilib.
Qeyd edək ki, aprelin 21-də təbii fəlakət (dolu, qasırğa, leysan) Cəlilabad rayonunda bir sıra fəsadlara səbəb olub.
