Ədliyyə orqanlarında işləmək istəyənlər üçün imtаhаn keçirilib

İyulun 11-də Dövlət İmtahan Mərkəzi Ədliyyə Nazirliyi ilə birlikdə ədliyyə orqanlarında işləmək istəyən namizədlər üçün test imtаhаnı keçirib.


DİM-dən tehsilmedia.info-a verilən xəbərə görə, imtahan kompüter vasitəsilə elektron qaydada DİM-in Bakı şəhəri, Nəsimi rayonu, Abdulvahab Salamzadə küçəsi, 28 ünvanında yerləşən binasında təşkil edilib.


İmtahanlar başa çatdıqdan dərhal sonra namizədlərə nəticələri haqqında arayış təqdim olunub.


İmtahanda iştirak üçün namizədliyi qeydə alınmış 136 nəfərdən 13 nəfər imtahana gəlməyib. 55 və dаhа çох bаl tоplаmış 63 namizəd müsabiqənin ikinci mərhələsinə – müsahibəyə buraxılıb.