Kişi müəllimlərin sayı niyə azdır?

\

Azərbaycan məktəblərində çalışam pedoqoji heyətin əksər hissəsini qadınlar təşkil edir.


tehsilmedia.info xəbər verir ki, hazırda Bakı şəhəri üzrə təhsil idarəsinin tabeliyindəki ümumtəhsil müəssisələrində daimi əsaslarla 29657 müəllim çalışır. Onlardan 27600-ü qadın, 2057-si kişidir.
Təhsil eksperti Elçin Əfəndi bildirib ki, müəllimlərin əməkhaqqısının azlığı bu istiqamətdə təhsil almaq istəməyən oğlan tələbələrin say azlığından irəli gəlir. Təhsil eksperti çıxış yolunu maaşların artırılmasında və müəyyən güzəştlərin edilməsində görür.
Əməkdar müəllim Almaz Həsrət bildirib ki, ölkədə yaranan iqtisadi çöküş kişi müəllimlərin sayının azalmasına gətirib çıxardı. Almaz Həsrət hesab edir ki, məsələnin həlli üçün zaman lazımdır.
Arzu Oqtay 2005-ci ildən bu yana Finlandiyada yaşayan həmvətənlərə dərs deyir. O bildirir ki, orada da vəziyyət bu cürdür. Orda müəllim heyətinin 39-dan yalnız biri kişidir. Onun sözlərinə görə, dünyanın hər yerində müəllimlərin maaşı azdır. Bu məsələdə cəmiyyətin kişi müəllimlərə yanaşması da mühüm rol oynayır.

Ekspert bildirir ki, oğlan bağça müəllimi olmaq istəyirsə, cəmiyyət onu qınayır. Lakin biz əslində onlara təkan verməliyik. Son illər müəllimlərin sosial təminatının yaxşılaşdırılması istiqamətində işlər görülür. Gənclərin pedoqoji ixtisaslara marağı xeyli artıb. Görünür ki, xüsusi tədbirlərə də ehtiyac var. Əks halda, təhsildə yaranan gender uçurumu təhlükəyə aparır..