Məkəb direktorları arasında kişilər daha çoxdur - RƏQƏMLƏR
Azərbaycanda təhsil sistemində rəhbər vəzifələrdə çalışanların cinsə görə bölgüsü illər üzrə müəyyən fərqliliklər göstərsə də, ümumi mənzərədə kişilərin üstünlük təşkil etdiyi açıq şəkildə görünür. Təhsil pillələri arasında bu fərq bəzi sahələrdə daha kəskin, digərlərində isə balanslı şəkildə təzahür edir. Xüsusilə ali və peşə təhsili müəssisələrində rəhbər vəzifələrdə kişilərin say çoxluğu müşahidə olunur, məktəbəqədər təhsildə isə qadınların demək olar ki, tam üstünlük təşkil etdiyi görünür.
Modern.az-ın Ailə, Qadın və Uşaq Problemləri üzrə Dövlət Komitəsinin 2024-cü il üzrə hesabatından əldə etdiyi məlumata görə, təhsil müəssisələrində rəhbər vəzifələrdə çalışan qadın və kişilərin statistikası aşağıdakı kimidir.
Məktəbəqədər təhsil
2023 və 2024-cü illərdə məktəbəqədər təhsil müəssələrində 1644 müdir vəzifəsində çalışıb ki, onların da 1643-ü qadın, 1-i kişidir.
Ümumi təhsil
2024-cü ildə ümumi təhsil müəssələrində direktor vəzifəsini yerinə yetirənlərin 1499 qadın, 2105 kişi olub. Olub. 2023-cü illə müqayisədə qadın direktorların sayı 29, kişilərin sayı isə 20 nəfər azalıb.
Peşə təhsili
2023-cü ildə dövlət peşə təhsillərinə rəhbərlik edənlərin 85-i qadın, 47-si kişi olub. Bu göstəricilər 2024-cü ildə 43 qadın, 63 kişi olub. Direktor müavini vəzifəsini də icra edən kişilərin sayı daha çox olub. Belə ki, peşə məktəblərində 39 qadın müavin, 65 kişi müavini çalışır.
Orta ixtisas təhsili
2023-cü ildə kolleclərə rəhbərlik edən direktorların 13-ü qadın, 6-sı kişi olub. Bu göstərici 2024-cü ildə 15 qadın və 9 kişi rəhbərinə yüksəlib.
Ali təhsil
Universitetlərdə rəhbər vəzifədə çalışanların böyük əksəriyyəti kişilərdir. Ötən il statistikasına görə ali təhsil mərkəzlərinə rəhbərlik edən rektorların 4-ü qadın, 35-i kişidir. Prorektorlar və filial direktorlarının isə 44-ü qadın, 130-ü kişidir. Fakültə dekanlarına gəldikdə isə 54 qadın, 130 kişi, kafedra müdirlərinin isə 240-ı qadın, 468-i kişidir.
Bu göstəricilər 2023-cü ildə aşağıdakı kimi idi:
Rektor – 4 qadın, 34 kişi
Prorektorlar və filial direktorları – 39 qadın, 141 kişi
Fakültə dekanı – 47 qadın, 130 kişi
Kafedra müdiri – 220 qadın, 505 kişi
