Alimlər Yer atmosferini öyrənmək üçün qeyri-adi üsul tapıblar
Alimlər Yer atmosferinin yuxarı təbəqələrində baş verən prosesləri daha ətraflı öyrənmək üçün təxminən 1 200 Starlink peykindən əldə edilən məlumatları analiz ediblər.
Tehsilmedia.com xəbər verir ki, tədqiqatçılar peyklərin orbitlərindəki dəyişiklikləri araşdıraraq atmosferin yüksək qatlarında sıxlığın necə dəyişdiyini müəyyənləşdirməyə çalışıblar. Məlumatlar xüsusilə atmosfer müqavimətinin peyklərin hərəkətinə təsirinin öyrənilməsi baxımından əhəmiyyətlidir.
Alimlərin fikrincə, çoxsaylı Starlink peyklərindən əldə olunan məlumatların birgə təhlili atmosferin geniş ərazilərində baş verən dəyişiklikləri izləməyə imkan verir.
Tədqiqatın nəticələri gələcəkdə peyklərin orbitlərinin daha dəqiq hesablanması, kosmik hava hadisələrinin izlənilməsi və Yer atmosferinin yuxarı qatlarının öyrənilməsində istifadə oluna bilər.
