"BilBacar" müsabiqəsinin final mərhələsi başa çatıb
Elm və Təhsil Nazirliyi, Təhsil İnstitutu və Məktəbəqədər və Ümumi Təhsil üzrə Dövlət Agentliyinin birgə təşkilatçılığı ilə həyata keçirilən "BilBacar" müsabiqəsinin final mərhələsi başa çatıb.
"Aztəhsil.az" xəbər verir ki, finaçılar 90 dəqiqə ərzində oxu savadlılığı üzrə 38 sual cavablandırıblar.
Qeyd edək ki, hər sinif üzrə 3 nəfər birinci yerə, 6 nəfər 2-ci yerə və 9 nəfər 3-cü yerə layiq görüləcək.
2025-ci ilin noyabr ayında start verilən müsabiqədə respublikanın 1300-dən çox ümumi təhsil müəssisəsinin III və IV siniflərindən 160 000-ə yaxın şagird iştirak edib.
İbtidai sinif şagirdlərində oxu savadlılığını artırmaq, mətnin məzmununu anlama, təhlil və nəticə çıxarma bacarıqlarını inkişaf etdirmək, oxu fəaliyyətlərini təşviq etmək, eyni zamanda şagirdlərə kompüter əsaslı qiymətləndirmə mühitində təcrübə qazandırmaq məqsədilə həyata keçirilən müsabiqənin mükafatlandırma tədbiri yaxın günlərdə keçiriləcək.
