Təhsilalanlara "Tələbə Plus" kartları nə zaman veriləcək? - Rəsmi AÇIQLAMA

Xəbər verdiyimiz kimi, oktyabrın 15-dən etibarən universitetlərdə təhsilalanlara "Vahid tələbə kartı"nın verilməsi prosesinə başlanılacaqdı.

Tələbərdən aldığmız məlumata əsasən, “Tələbə Plus” kartları ilə bağlı əməkdaşlıq edilən universitetlərdə hələ ki, kartların verilməsi reallaşmayıb.
Bəs, “Vahid tələbə kartı” tələbələrə nə vaxt təqdim olunacaq?

Mövzu ilə bağlı AzEdu.az Təhsil Portalı olaraq, Təhsilin İnkişaf Fonduna (TİF) sorğu ünvanlamışdır.

Sorğumuza cavab olaraq bildirildi ki, “Tələbə Plus” kartları bildirilən tarixdən hazırdır.

“Kartlar müqavilə imzalanmış ali təhsil müəssisələrinə müvafiq olaraq onlarla razılaşdırılmış tarixlərdə növbəli şəkildə paylanılacaqdır”.

Qeyd edək ki, “Vahid tələbə kartı” Azərbaycan Dövlət Pedaqoji Universiteti, Azərbaycan Texniki Universiteti, Bakı Mühəndislik Universiteti, Sumqayıt Dövlət Universiteti, Azərbaycan Dövlət Neft və Sənaye Universiteti, Türkiyə-Azərbaycan Universiteti, Fransa- Azərbaycan Universiteti (UFAZ), Azərbaycan Memarlıq və İnşaat Universiteti, Bakı Dövlət Universiteti, Bakı Slavyan Universiteti, Azərbaycan Dillər Universitetinin tələbələrinə veriləcək.