Heydər Əliyev irsi Lordlar Palatasında anıldı - FOTO

Mayın 9-da Lordlar Palatasında elm və təhsil naziri Emin Əmrullayev, Böyük Britaniya Baş nazirinin Azərbaycan üzrə ticarət elçisi Baronessa Emma Nikolson və ölkəmizin Böyük Britaniyadakı səfiri Elin Süleymanovun iştirakı ilə görüş keçirilib.

tehsilmedia.info xəbər verir ki, görüşün məhz ümummilli lider Heydər Əliyevin anadan olmasının 100-cü ildönümünə təsadüf etməsinin rəmzi məna daşıdığı vurğulanıb.

Görüşdə həmçinin iki ölkə arasında təhsil sahəsində əməkdaşlıqdan məmnunluq ifadə edilib, xaricdə təhsil üzrə dövlət proqramları çərçivəsində Böyük Britaniya ali təhsil müəssisələrinin Azərbaycan vətəndaşlarının üstünlük verdiyi universitetlər siyahısında yer aldığı bildirilib. Bununla yanaşı, ümumi, ali təhsil və tədqiqat sahələrində əməkdaşlığın inkişaf perspektivləri üzrə fikir mübadiləsi aparılıb.