Azərbaycanda ilk dəfə “Xalqın mədəni sərvəti” layihəsi baş tutacaq

Fikrət Əmirov adına Gəncə Dövlət Filarmoniyası “Xalqın mədəni sərvəti” layihəsinə start verib.

tehsilmedia.info xəbər verir ki, 8-14 yanvar tarixlərində baş tutacaq layihə çərçivəsində Azərbaycanın görkəmli bəstəkarı, dünya musiqisində simfonik muğam janrının banisi Fikrət Əmirovun əsərlərindən ibarət “Musiqi paradı” keçiriləcək.

Filarmoniyanın mətbuat xidmətindən verilən məlumata görə, layihənin keçirilməsinin əsas məqsədi regionlarda Azərbaycan klassik nümunələrini təbliğ etmək, Azərbaycan milli-mənəvi dəyərlərini, folklor musiqisini müasir gəncliyə çatdırmaqdır. Layihə hər ay əbədiyaşar mədəniyyət və incəsənət xadimlərinə həsr olunacaq.

Qeyd edək ki, layihə Azərbaycan Respublikası Mədəniyyət Nazirliyi Gəncə-Daşkəsən Regional Mədəniyyət İdarəsi və Gəncə Dövlət Filarmoniyasının təşkilatçılığı ilə baş tutacaq.