Kolleclər bağlana bilər? – Ekspertdən AÇIQLAMA

Ölkəmizdə hazırda 55 orta ixtisas təhsili müəssisəsi - kollec var və burada 62.423 subbakalavr - tələbə təsil alır.

tehsil.media xəbər verir ki, bunu təhsil eksperti Kamran Əsədov deyib.
Onun sözlərinə görə, onların mütəxəssis kimi yetişməsi ilə 6078 müəllim məşğul olur:
“Cəmiyyətin kollec ilə bağlı düşüncəsi və yanaşması müxtəlifdir. Bəziləri elə düşünür ki, kolleclər lazım deyil və bilik, bacarıqları zəif olanlar burada təhsil alır.
Bir məqamı qeyd edim ki, müzakirə olunan "Ali Təhsil haqqında qanun" qəbul olunandan sonra kolleclərin bir pillə olaraq mövcudluğu sual altına düşəcək və kolleclərin ləğv olunacağını da demək olar. Belə ki, onlar universitetlərin daxilində bir pillə kimi olacaqlar”.
Ekspert qeyd edib ki, təhsilin əlçatanlılığı üçün az təhsil haqqılı müəssisələrin olması vacibdir.
“Amma etiraf edək ki, kolleclərin böyük əksəriyyəti müasir dövrün çağırışlarına cavab vermir və maddi texniki bazaları zəifdir, əmək bazarı ilə ayaqlaşmır”.