ATMU bir neçə ölkənin ali məktəbləri ilə tələbə-müəllim mübadiləsi aparacaq - FOTO

Azərbaycan Turizm və Menecment Universitetinin (ATMU) Beynəlxalq əlaqələr şöbəsinin müdiri Orxan Musa Avropa İttifaqının “Erasmus+” proqramı çərçivəsində İtaliyanın G d’Annunzio Chieti–Pescara Universitetinin təşkilatçılığı ilə keçirilən beynəlxalq tədbirdə iştirak edib.

Bu barədə "tehsilmedia.info" a ATMU-dan məlumat verilib.

Bildirilib ki, tədbirdə iştirakçıların yekdil qərarına əsasən ATMU, İtaliyanın və Balkan ölkələrinin bir sıra universitetləri “Erasmus+” layihəsinin 3 illik fəaliyyəti dövründə tələbə-müəllim mübadiləsini və uyğun təlimlərin təşkilatçısı funksiyasını icra edəcəklər.