Həsən Həsənov Ulu Öndər Heydər Əliyev barədə xatirələrini UNEC kollektivi ilə bölüşüb

Ulu Öndər Heydər Əliyevin anadan olmasının 100 illiyi münasibətilə UNEC-də tanınmış siyasi və dövlət xadimi Həsən Həsənovla görüş keçirilib. Həsən Həsənovun Ulu Öndər Heydər Əliyevlə bağlı xatirələrini dinləmək məqsədilə təşkil olunan görüşdə UNEC rektoru professor Ədalət Muradov və universitetin kollektivi iştirak edib.

tehsil.media xəbər verir ki, Həsən Həsənovun Ulu Öndər Heydər Əliyevlə bağlı xatirələrini dinləmək məqsədilə təşkil olunan görüşdə UNEC rektoru professor Ədalət Muradov və universitetin kollektivi iştirak edib.

Ümummilli Lider Heydər Əliyevlə ilk tanışlığının tarixçəsi ilə çıxışına başlayan Həsən Həsənov Ulu Öndərin Azərbaycanda yeni sənaye müəssisələrinin açılması, milli ordunun formalaşdırılması, ölkədə ilk ali hərbi təhsilin yaradılması, Azərbaycanın beynəlxalq aləmdə tanınması, cəmiyyətdə milli düşüncənin formalaşması istiqamətində göstərdiyi misilsiz xidmətlərindən söz açıb. Ulu Öndərin hər bir məsələni real hadisələrdə görmək kimi fitri istedada malik olduğunu deyən Həsən Həsənov Ulu Öndərin təşəbbüsü ilə sovet dövründə 10 cildlik "Azərbaycan tarixi" kitabının yazılmasının, Azərbaycan əsgəri haqqında musiqinin yaradılmasının, eləcə də ölkəmiz üçün önəmli olan digər fövqəladə hadisələrin tarixçələrindən danışıb.

Ulu Öndər Heydər Əliyevlə bağlı maraqlı və zəngin xatirələrini bölüşən Həsən Həsənov sonra iştirakçıların suallarını cavablandırıb.