BMU-nun kimya müəllimliyi ixtisası üzrə təhsil alan tələbələr ekskursiyada olublar - FOTO

Bakı Mühəndislik Universiteti (BMU) Pedaqoji fakültəsinin Kimya müəllimliyi ixtisası üzrə təhsil alan tələbələri “Norm Sement” zavodunda təcrübə gəzintisində olublar.

tehsilmedia.info xəbər verir ki, müəssisələrlə əlaqələr və karyera departamentinin təşkil etdiyi gəzinti zamanı tələbələrə zavodun əsas fəaliyyət sahələri, istehsal gücü, klinker və sement istehsalının keçdiyi proseslər barədə ətraflı məlumat verilib.

Ekskursiya iştirakçıları bərk cisimlər kimyası fənninin əsas tətbiq sahələrindən biri olan inşaat materiallarının hazırlanması prosesi ilə də yaxından tanış olublar.