“Məktəblərdə anti-sanitar vəziyyət hökm sürür”

Ümumtəhsil müəssislərində tədris prosesi ilə paralel olaraq məktəbin gigiyenik vəziyyəti də şagirdlər üçün mühim əhəmiyyət kəsb edir.

Valideyn və şagirdlərdən gələn şikayətlərin bir qismi bəzi məktəblərdə anti-sanitar stuasiyanın mövcud olmasıdır.

Məsələ ilə bağlı tehsilmedia.info - a danışan təhsil eksperti Elşən Qafarovun sözlərinə görə bir çox ümumtəhsil müəssisələri sanitar-gigiyenik qaydalara əməl etmir:

“Ümümtəhsil müəssisələrində sanitar-gigiyenik vəziyyətin gözlənilməsi əsas şərtlərdən biridir. İstənilən təhsil müəssisəsinin infrastrukturu təhlükəsiz təhsil şəraitini təmin etməlidir. Bu şəraitin olmasının əsas əlamətlərindən biri də sanitar-giyenik normalara riayətlə bağlıdır. Bu normalara hər bir məktəbin təsərrüfat üzrə direktor müavini və təsərrüfat müdiri cavabdehdir. Qeyd etmək lazımdır ki, bir çox məktəblərdə anti-sanitar şərait mövcuddur”.
Ekspert qeyd edib ki, məktəblər sanitar-gigiyenik vəziyyətin yoxlanması üçün müvafiq qurumların monitorinqlərini gözləməməlidir:
“Gigiyena və Epidemiologiya Mərkəzi bütün müəssisələrdə sanitar-gigiyenik normalara nəzarət edən orqandır. Bu qurum məktəblərin təchizat bölmələrində olan mütəxəssislərin iştrakı ilə monitorinqlər təşkil etməlidir. Sanitar qovşaqlar və anti-sanitar vəziyyətin höküm sürməsi obyektiv və subyektiv səbəblərdən biridir. Hansı məktəb rəhbərliyi bu məsəsləyə ciddi yanaşmırsa, onlar sərt şəkildə cəzalandırılmaldır. Sanitar-gigiyenik vəziyyəti yaxşı olmayan məktəblər aşkar edilməli, burada anti-sanitar vəziyyətin qaydaya düşməsi üçün tədbirlər görməlidirlər. Bu məsələ kompleks xarakter daşıyır. Hər bir rayon üzrə Gigiyena və Epidomologiya Mərkəzi, Təhsil idarəetmə orqanı və məktəb rəhbərliyi öz üzərinə düşəni etməlidir”.