Azərbaycan dili, ingilis dili və informatika fənləri üzrə hazırlıq kurslarının ikinci məşğələləri keçirilib

Dövlət İmtahan Mərkəzində (DİM) Azərbaycan dili, ingilis dili və informatika fənləri üzrə buraxılış və qəbul imtahanlarında istifadə edilən qiymətləndirmə tapşırıqlarının hazırlanması, ekspertizası və yoxlanılmasına dair hazırlıq kurslarının ikinci məşğələləri keçirilib.

DİM-dən "tehsilmedia.info"a bildirilib ki, hazırlıq kurslarında yalnız elektron qeydiyyatdan keçmiş, ixtisası müvafiq fənnə uyğun olan müəllimlər, metodistlər və pedaqoji profilli ali təhsil müəssisələrinin bakalavriat səviyyəsində həmin fənn üzrə təhsil alan sonuncu kurs tələbələri və magistrlər iştirak ediblər.

Hazırlıq kursları həm əyani, həm də onlayn formada keçirilib.

Moderatorlar – Azərbaycan dili fənni üzrə Saməddin İbrahimov, ingilis dili fənni üzrə Nərminə Əliyeva mətnlərin seçilməsinə verilən tələblər, informatika fənni üzrə isə Anar Rəşidov “Phyton” proqramlaşdırma dilində ilikin anlayışlar haqqında təqdimatla çıxış ediblər.

Təqdimatlar ətrafında müzakirələr aparılıb. Kurs iştirakçılarını maraqlandıran suallar cavablandırılıb.

Hazırlıq kurslarının üçüncü məşğələləri 13 noyabr 2023-cü il tarixində keçiriləcək.