BDU-nun komandası “TEKNOFEST - Girişim Yarışması”nın final mərhələsində iştirak edəcək - FOTO
Bakı Dövlət Universitetinin (BDU) “BSU Creativity Workz” komandası “TEKNOFEST - Girişim Yarışması”nın final mərhələsində iştirak edəcək.
Bu barədə "tehsilmedia.info"a BDU-dan məlumat verilib.
“TEKNOFEST - Girişim Yarışması” avqustun 30-dan sentyabrın 3-dək Türkiyənin paytaxtı Ankara şəhərində keçiriləcək. Yarışın məqsədi 2018-ci ildən başlayaraq TEKNOFEST festivalının müxtəlif kateqoriyalarında yarışaraq finalçı və ya qalib olan komandaların hazırladığı prototipləri, biznes ideyalarını istehsalata hazır son məhsula çevirmək, onların beynəlxalq bazara çıxışını təmin etməkdir.
Qeyd edək ki, keçirildiyi illər ərzində “TEKNOFEST - Girişim Yarışması” vasitəsilə Türkiyədə müxtəlif istiqamətlərdə fəaliyyət göstərən 121 şirkət qurulub.
Bu il “TEKNOFEST-Girişim Yarışması”nda 10 kateqoriya üzrə 2419 komanda yarışacaq. “BSU Creativity Workz” komandası yarışmaya “Ağıllı nəqliyyat texnologiyaları” kateqoriyası üzrə “Driver's Eye” layihəsi ilə qatılır.
“Driver's Eye” layihəsi bu ilin may ayında İstanbul şəhərində keçirilən “TEKNOFEST-2023” festivalında birinci yerə layiq görülüb.
