Heydər Əliyevin 100 illiyinə həsr olunmuş ağacəkmə aksiyası keçirilib - FOTO

Elm və Təhsil Nazirliyinin Yüksək Texnologiyalar Parkı və Xətai rayon İcra Hakimiyyəti ilə birgə Xətai rayon ərazisində Ümummilli Lider Heydər Əliyevin anadan olmasının 100 illiyinə həsr olunmuş ağacəkmə aksiyası keçirilib.

Bu barədə "tehsilmedia.info"a AMEa-dan bildirilib.

Aksiyada "ETN Yüksək Texnologiyalar Parkı” MMC-nin baş direktoru Vasif Abbasov, icraçı direktor Zaur Nəhmətov, Xətai rayon İcra Hakimiyyəti başçısının müavini Etibar Əhmədov və qurumun digər əməkdaşları iştirak ediblər.

Təbiətin qorunması, ekoloji vəziyyətin yaxşılaşdırılması, yaşıllıqların genişləndirilməsi Ulu Öndər Heydər Əliyevin çoxşaxəli fəaliyyətinin mühüm tərkib hissəsi olub.

Aksiyanın əsas məqsədi də ölkəmizdə ekologiyanın qorunması və ətraf mühitin sağlamlaşdırılmasına hər zaman böyük önəm vermiş Ulu Öndər Heydər Əliyevin əziz xatirəsini yad etmək, onun, yaşıllaşdırma ənənələri irsini davam etdirmək, insanlar arasında ekoloji mədəniyyəti, təbiətə olan qayğı hissini təbliğ etməkdən ibarətdir.