Gəncə Regional Kollecinin yeni direktoru kollektivə təqdim olunub

Gəncə Dövlət Universitetinin nəzdində Gəncə Regional Kollecinin yeni direktoru Nigar Səfxanova kollektivə təqdim olunub.

Bu barədə Tehsilmedia.org-a Elm və Ali Təhsil üzrə Dövlət Agentliyindən məlumat verilib.

Nigar Səfxanova 2011–2015-ci illərdə Bakı Dövlət Universitetində "Filologiya" (Azərbaycan dili və ədəbiyyatı) ixtisası üzrə bakalavr təhsili alıb. 2023–2025-ci illərdə ADA Universitetində Təhsilin təşkili və idarə olunması ixtisası üzrə magistratura təhsilini tamamlayıb.

N.Səfxanova 2018-ci ildən pedaqoji fəaliyyət göstərir. O, 2018–2022-ci illərdə Göygöl rayonu Üçbulaq kənd ümumi orta məktəbində müəllim, 2022–2024-cü illərdə isə həmin məktəbdə direktor vəzifəsində çalışıb. 2024-cü ilin oktyabr ayından etibarən Göyçay Dövlət İdarəetmə və Texnologiya Kollecində tədris işləri üzrə direktor müavini vəzifəsində fəaliyyət göstərib. 2025-ci ildən son təyinatınadək isə Tovuz Dövlət Sosial-İqtisadi Kollecinin direktoru vəzifəsini icra edib.