Bu ilin universitetə qəbul olan ən gənc və yaşlı TƏLƏBƏSİ
Ali təhsil müəssisələrinə qəbul olan ən gənc və ən yaşlı tələbənin adları açıqlandı.
Bu barədə Tehsilmedia.com-a DİM-dən məlumat verilib.
Qeyd olunub ki, builki ən gənc tələbənin Məmmədli Gülşən Rəşad qızının 16 yaşı var.
O, 621,2 balla Naxçıvan Dövlət Universitetinin Stomatologiya ixtisasına əyani təhsil forması üzrə dövlət sifarişi əsasında qəbul olub.
Builki ən yaşlı tələbə isə 58 yaşlı Hüseynov Elbrus İsmayıl oğludur.
O, subbakalavr kimi Azərbaycan Memarlıq və İnşaat Universitetinin Kommunikasiya sistemləri mühəndisliyi ixtisasına əyani təhsil forması üzrə dövlət sifarişi əsasında qəbul olub.
