Dövlət məktəbəqədər təhsil müəssisələrində çalışan təhsilverənlərin sertifikatlaşdırılmasının qiymətləndirmə çərçivəsi təqdim olunub.

Qiymətləndirmə aşağıdakı sahələr üzrə qruplaşdırılıb:

1. Məzmun və metodika
- Erkən uşaqlıq dövrü və məktəbəqədər təhsil üzrə dövrün
tələbinə uyğun pedaqoji və psixoloji elmi biliklər və metodiki
bacarıqlara malik olması;
- Təlimin təşkilində müəllimyönümlü və uşaqyönümlü
yanaşmaları fərqləndirə bilməsi, uşaqyönümlü yanaşmaya
üstünlük verməsi;
- Təlim prosesini idarə etməsi, dəyərləndirməsi və
proqnozlaşdırması.

2. Təhlükəsizlik
- Uşaqların sağlamlığının qorunmasını (gigiyena və ilkin tibbi
yardım bacarıqları) təmin etməsi;
- Uşaqların həyatına təhlükə yarada biləcək situasiyalar
zamanı (yanğın,zəlzələ, terror aktı və s.) təhlükəsizlik
tədbirlərini görməsi;
- Psixoloji və sosial şiddətdən (zorakılıq, sosial qısnama və
s.) qabaqlayıcı və müdafiə tədbirlərini görməsi;
- Məlumat təhlükəsizliyini və konfidensiallığı təmin etməsi.

3. Pedaqoji etika və əməkdaşlıq
- Pedaqoji kollektiv ilə qarşılıqlı əlaqə;
- Valideynlərlə konstruktiv ünsiyyət;
- Təhsilverənlərin etik davranış qaydalarına riayət etməsi;
- Öz hüquqlarını tanıması və qanuni yollarla müdafiə etməsi.

4. Özünüinkişaf
- Metodik işin təşkili;
- Özünütəhlil, tədqiqatçılıq, özünütəhsil;
- Özünüidarə və özünübərpa (stresə davamlılıq) bacarıqlarının əhəmiyyətinin fərqində olması və onları tətbiq etməsi;

Qeyd edim ki, test imtahanı mərhələsində təhsilverənlərə məktəbəqədər təhsilin məzmunu və metodikası, həmçinin uşaq və yaş psixologiyası üzrə ümumilikdə 60 (altmış) sual təqdim edilir.

Sertifikatlaşdırma prosesi məktəbəqədər təhsil müəssisələrində pedaqoji fəaliyyətlə məşğul olan, ali və orta ixtisas təhsilinə malik təhsilverənlərin peşəkarlıq səviyyəsinin və peşə yararlılığının
obyektiv qiymətləndirilməsi məqsədini daşıyır. Bu qiymətləndirmə prosesi təhsilverənlərin bilik, bacarıq və pedaqoji keyfiyyətlərini dəyərləndirməklə yanaşı, keyfiyyətli təhsil mühitinin təmin
olunmasına dəstək vermək baxımından xüsusi əhəmiyyətə malikdir.
Həmçinin, sertifikatlaşdırmanın nəticələri təhsilverənlərin karyera inkişafında və əməyinin stimullaşdırılmasında nəzərə alınır.

Bu baxımdan, təhsilverənlərin sertifikatlaşdırılması
məktəbəqədər təhsil üzrə kadr potensialının formalaşdırılmasında praktik əhəmiyyət daşıyır.

Daha ətraflı: https://arti.edu.az/wp-content/uploads/2026/07/M%C9%99kt%C9%99b%C9%99q%C9%99d%C9%99r_sertifikatlasdirma_c%C9%99rciv%C9%99_s%C9%99n%C9%99di.pdf?fbclid=IwY2xjawS0jopleHRuA2FlbQIxMABicmlkETFrcU5Gc3EwcWZ2dDZ4QUdYc3J0YwZhcHBfaWQQMjIyMDM5MTc4ODIwMDg5MgABHjSrw2iSo9uVGoF2-6wbxlyhtUASOskOEXY3n4et5G2PQ-BRL9t4GX_gAqQW_aem_hwTSuodLxiBOZgAYkUelVA