Peşə məktəblərinə sənəd qəbulu BAŞLADI

Bu gündən peşə təhsili müəssisələrinə sənəd qəbuluna start verilib.

Bu gün saat 12:00-dan başlayan proses avqustun 11-dək davam edəcək. Peşə təhsili almaq istəyənlər portal.edu.az saytından qeydiyyatdan keçməklə “Peşə təhsili müəssisələrinə elektron tələbə qəbulu” xidməti vasitəsilə müraciət göndərməlidirlər.

Qeydiyyatdan keçmiş müraciətçilərin elektron ərizələrindəki məlumatların doğruluğu yoxlanıldıqdan sonra iştirakçının ixtisaslar üzrə seçimi sistem tərəfindən təsdiqlənir. Qəbul ərizəçinin attestatında göstərilən müvafiq fənlər üzrə qiymətlərinin orta balı əsasında həyata keçirilir. Tələbə qəbulu prosesində iştirak edən hər bir şəxsə maksimum 5 ixtisas üzrə seçim etmək imkanı yaradılır.