“SABAH” qruplarına müəllim seçimi davam edir

“SABAH” qruplarının bakalavriat səviyyəsində 2023-2024-cü tədris ilinin payız semestri üçün müvafiq ixtisaslar üzrə vakant yerlərə müsabiqə davam edir.

Bu barədə "tehsilmedia.info"a Elm və Təhsil Nazirliyindən məlumat verilib.

Bildirilib ki, vakant yerlər üçün professor-müəllim heyəti və mütəxəssislər müsabiqə əsasında müxtəlif fənlər üzrə saathesabı qaydada işə dəvət olunurlar.

Müraciətlər avqustun 30-dək qəbul edilir.

Müsabiqədə magistr və daha yüksək elmi dərəcəyə malik, mükəmməl səviyyədə İKT və sahə bilikləri olan, innovativ tədris metodlarından istifadə edən, eyni zamanda, müasir pedaqoji yanaşmaları tətbiq etməyi bacaran, dinamik və pozitiv namizədlər iştirak edə bilərlər.