https://tehsilmedia.info/ tr Təhsil Media DataLife Engine https://tehsilmedia.info/index.php?newsid=18481 https://tehsilmedia.info/index.php?newsid=18481

2026-2027-ci tədris ili üzrə yeni təmayül tədris modelinin tətbiq ediləcəyi ümumi təhsil müəssisələrinə şagird qəbulu elan edilib.

Bəs yeni tədris modeli repetitorlara ehtiyacı azaldacaqmı?

Mövzu ilə bağlı Redaktor.az-a danışan təhsil eksperti Məzahir Məmmədli bildirdi ki, artıq son iki ildir məktəblərdə təmayülləşmə istiqamətində fəaliyyət proqramı tərtib olunub və həyata keçirilir:

"Bu proqram həm Bakı şəhərində, həm də digər böyük şəhərlərdə və regionlarda çoxsaylı şagirdləri əhatə etməklə, yüksək ixtisaslı müəllimlərin imkanlarını səfərbər edərək repetitorluqdan tədricən xilas olmağın yollarını sınaqdan keçirən bir pilot layihədir. Əgər bu layihə cari ildə müəyyən effekt verərsə, o halda onun daha da genişləndirilməsi və məktəblərin əksəriyyətində tətbiq olunması məqsədəuyğun olacaq".

Müsahibimizin fikrincə, bundan sonra müəyyən mənada repetitorluqdan asılılığın azalması prosesi başlaya bilər:

"Lakin bu, repetitorluğun tamamilə sıradan çıxacağı anlamına gəlmir. Çünki bu gün cəmiyyətdə belə bir fikir formalaşıb ki, repetitorsuz ali təhsil müəssisəsinə qəbul olmaq mümkün deyil. Bu təsəvvür artıq insanların düşüncəsində müəyyən yer tutub və nəticədə onlar repetitor dəstəyi olmadan ali təhsil müəssisəsinə qəbul olmağı təsəvvür etməkdə çətinlik çəkirlər".]]> sakit Fri, 05 Jun 2026 18:33:51 +0400 https://tehsilmedia.info/index.php?newsid=18480 https://tehsilmedia.info/index.php?newsid=18480

İyunun 4-də Gəncə-Daşkəsən regionu üzrə ali və ümumi təhsil müəssisələrində fəaliyyət göstərən təhsil işçilərinə TəhsilPlus kartlarının təqdimetmə mərasimləri keçirilib.

Aztəhsil.az-ın məlumatına görə, TəhsilPlus kartlarının ölkə üzrə ilk kütləvi təqdimatına Gəncə-Daşkəsən regionundan start verilib.

Layihənin regionlarda fəaliyyət göstərən təhsil işçilərinin sosial rifahına töhfə verməsi və onların müxtəlif güzəşt imkanlarından faydalanmasını genişləndirməsi məqsədilə ilk mərhələdə region üzrə xüsusi tərəfdaş şəbəkəsi də formalaşdırılıb.

Gəncə Dövlət Universitetində təşkil olunan ilk tədbirdə Təhsilin İnkişafı Fondunun İdarə Heyətinin sədri Nicat Məmmədli, Kapital Bank-ın İdarə Heyəti sədrinin müavini, Baş Korporativ satış inzibatçısı Fərid Hidayətzadə, Gəncə Dövlət Universitetinin rektoru Yusif Yusibov, Azərbaycan Dövlət Aqrar Universitetinin rektoru Zəfər Qurbanov və Azərbaycan Texnologiya Universitetinin rektoru Yaşar Ömərov, millət vəkili Pərvin Kərimova, eləcə də ali təhsil müəssisələrinin professor-müəllim heyətinin nümayəndələri iştirak ediblər.

Çıxışlar zamanı təhsil işçilərinin sosial rifahının gücləndirilməsi, onlar üçün nəzərdə tutulan güzəşt və imtiyazlardan istifadə imkanlarının genişləndirilməsinin əhəmiyyəti vurğulanıb. Bildirilib ki, təhsil sahəsində çalışan şəxslərin sosial təminatının dəstəklənməsi istiqamətində həyata keçirilən layihələr müəllim nüfuzunun artırılması, onların motivasiyasının gücləndirilməsi və peşə fəaliyyətinin stimullaşdırılması baxımından mühüm rol oynayır. Eyni zamanda dövlət-özəl tərəfdaşlığı çərçivəsində reallaşdırılan bu kimi təşəbbüslərin təhsil işçiləri üçün yeni imkanlar yaratdığı diqqətə çatdırılıb.

Tədbir çərçivəsində TəhsilPlus kartı barədə təqdimat keçirilib. Təqdimatda kartın təqdim etdiyi üstünlüklər, tərəfdaş şəbəkələrində mövcud olan endirim və bonus imkanları haqqında məlumat verilib, həmçinin TəhsilPlus kartına dair videoçarx nümayiş etdirilib. Qeyd olunub ki, Gəncə-Daşkəsən regionu üzrə ilk tərəfdaşlardan olan “Referans” tibb mərkəzinin Gəncə filialı TəhsilPlus kart istifadəçilərinə 10% endirim təqdim edir. Bununla yanaşı, “CityCard” ilə əldə olunmuş ilkin razılığa əsasən, növbəti aylardan etibarən TəhsilPlus kart istifadəçiləri üçün ictimai nəqliyyatda xüsusi güzəşt mexanizmləri istifadəyə veriləcək.

Tədbirin gedişatında universitet rektorlarına və ali təhsil müəssisələrinin professor-müəllim heyətinin bir qrup nümayəndəsinə TəhsilPlus kartları təqdim edilib.

Eyni gündə keçirilən ikinci tədbir Gəncə-Daşkəsən Regional Təhsil İdarəsində baş tutub. Tədbirdə Təhsilin İnkişafı Fondunun, Kapital Bank-ın rəsmi nümayəndələri, Regional Təhsil İdarəsinin müdiri Elçin Kərimov, idarənin tabeliyində olan 6 rayon üzrə sektor müdirləri, region üzrə fəaliyyət göstərən ümumi təhsil müəssisələrinin müəllimləri iştirak ediblər.

Mərasim zamanı sertifikatlaşdırma imtahanlarında yüksək nəticə göstərən müəllimlərə TəhsilPlus kartları təqdim olunub.

Qeyd edək ki, TəhsilPlus kartı Təhsilin İnkişafı Fondu, Kapital Bank və “Mastercard” qlobal texnologiyalar şirkəti ilə birgə əməkdaşlıq çərçivəsində həyata keçirilir. Layihə təhsil işçiləri üçün əlavə sosial dəstək imkanlarının yaradılması, onların müxtəlif xidmətlərdən daha sərfəli şərtlərlə faydalanmasına şərait yaradılması və sosial rifahının yüksəldilməsinə töhfə vermək məqsədi daşıyır.]]> sakit Fri, 05 Jun 2026 18:32:29 +0400 https://tehsilmedia.info/index.php?newsid=18479 https://tehsilmedia.info/index.php?newsid=18479

Mayın 31-də keçirilmiş Lütfi Zadə adına Riyaziyyat-Məntiq Olimpiadasının final turunun nəticələri elan edilib.

Qeyd olunub ki, şagirdlər portal.edu.az platformasındakı şəxsi kabinetlərinə daxil olaraq nəticələrlə tanış ola bilərlər.

Final turunun nəticələri ilə bağlı müraciətlər 10 iyun saat 12:00-dək qəbul edilir. Müraciətlər office@arti.edu.azelektron ünvanına yazılı şəkildə göndərilməlidir.]]> sakit Fri, 05 Jun 2026 18:31:40 +0400 https://tehsilmedia.info/index.php?newsid=18478 https://tehsilmedia.info/index.php?newsid=18478

Ümumi (9 illik) orta təhsil bazasında orta ixtisas təhsili müəssisələrinin xüsusi qabiliyyət tələb edən ixtisasları üzrə imtahanlarda iştirak etmək istəyən abituriyentlər üçün qeydiyyat 18-29 iyun tarixlərində aparılacaq.

Bildirilib ki, qeydiyyat təsviri sənət, musiqi sənəti, teatr, kino və xoreoqrafiya sənəti istiqamətləri üzrə həyata keçiriləcək.

Abituriyentlər istiqamətlərdən yalnız birinin Qabiliyyət İmtahanı Komissiyaları (QİK) üzrə qeydiyyatdan keçə bilərlər. İstiqamətlər üzrə “Abituriyent” jurnalının xüsusi buraxılışları artıq nəşr olunub. Ümumi (9 illik) orta təhsil bazasında Bakı İlahiyyat Kollecinin dini-mənəvi xidmət ixtisasına qəbul olmaq istəyən abituriyentlər üçün də qeydiyyat 18 – 29 iyun tarixlərində aparılacaq.

"Abituriyent" jurnalının xüsusi buraxılışlarında qəbul imtahanının qabiliyyət imtahanı mərhələsi, ixtisaslar üzrə müsabiqə şərtləri, qabiliyyət imtahanlarının proqramları, qiymətləndirmə meyarları, imtahanlara hazırlıqla bağlı tövsiyə və məsləhətlər, tapşırıq nümunələri, çalışmalar, əyani vəsaitlərdən reproduksiyalar, şəkillər, cədvəllər, normativlər, bir sözlə, burada xüsusi qabiliyyət tələb edən ixtisasları seçənlərin marağına uyğun olan, sorğularına aydınlıq gətirən, imtahana hazırlaşmalarına fayda verə bilən ən zəruri materiallar əksini tapıb.

Vəsaitləri DİM-in inzibati binasından (Bakı şəhəri, Nəsimi rayonu, Akademik Həsən Əliyev küçəsi, 299), “Abituriyent” satış məntəqəsindən (Bakı şəhəri, Nizami rayonu, Davud Aslan küçəsi, 2A), həmçinin kitab mağazalarından almaq, www.abiturient.az saytında və Wolt tətbiqində sifariş etmək mümkündür.

Vəsaitlərin elektron versiyasını (PDF formatda) www.abiturient.az saytında əldə etmək olar.]]> sakit Fri, 05 Jun 2026 18:30:42 +0400 https://tehsilmedia.info/index.php?newsid=18477 https://tehsilmedia.info/index.php?newsid=18477

2026-2027-ci tədris ili üzrə yeni təmayül tədris modelinin tətbiq ediləcəyi ümumi təhsil müəssisələrinə şagird qəbulu elan edilir.

Bildirilib ki, 10-11-ci sinifləri əhatə edən yeni təmayül tədris modeli şagirdlərin ali təhsilə hazırlıq prosesinin məktəb daxilində daha səmərəli təşkilinə xidmət edir:

"Əsas məqsəd şagirdlərin əlavə hazırlığa ehtiyac duymadan, məhz məktəbdə təşkil olunan gücləndirilmiş və hədəfli tədris prosesi vasitəsilə ali təhsil müəssisələrinə qəbul üçün zəruri bilik və bacarıqlara yiyələnməsini təmin etməkdir. Bu çərçivədə xüsusi tədris planlarının hazırlanması, ali təhsil müəssisələrinə qəbul tələblərinə uyğun, fənlər üzrə dərinləşdirilmiş proqramların təşkili həyata keçirilir. Cari tədris ilində tam orta təhsil səviyyəsində yeni təmayül tədris modeli ümumilikdə 14 təhsil müəssisəsində təşkil edilib, X siniflər üzrə 1178 nəfər, XI siniflər üzrə isə 406 nəfər olmaqla ümumilikdə 1584 şagird təhsil alır və bu prosesə xüsusi meyarlar əsasında seçilmiş 263 müəllim cəlb edilib.

Layihə çərçivəsində fəaliyyət göstərən təhsil müəssisələrində tədris prosesinin keyfiyyət göstəriciləri mütəmadi olaraq monitorinq edilir. 2025–2026-cı tədris ilinin sentyabr–dekabr aylarını əhatə edən dövr üzrə aparılmış təhlillər göstərir ki, şagirdlərin orta aylıq davamiyyət faizi əksər məktəblərdə 95–100 faiz intervalında dəyişib. Bununla yanaşı yeni təmayül tədris modeli əsasında təhsil alan şagirdlərin buraxılış imtahanındakı nəticələrinin təhlili onu deməyə əsas verir ki, bütün müəssisələrin orta bal göstəricisi müvafiq şəhər üzrə ümumi orta balı mütəmadi olaraq üstələyib. 100 baldan aşağı nəticə göstəriciləri bütün müəssisələrdə minimuma endirilib. Əldə edilən müsbət nəticələr nəzərə alınaraq bu model üzrə fəaliyyət göstərən məktəblərin şəbəkəsinin mərhələli şəkildə genişləndirilərək 100 məktəbə çatdırılması məqsədəuyğun hesab olunur. Yeni təmayül tədris modeli üzrə təhsil almaq istəyənlər regional təhsil idarələrinə müraciət edərək ətraflı məlumat əldə edə bilərlər".]]> sakit Fri, 05 Jun 2026 18:29:54 +0400 https://tehsilmedia.info/index.php?newsid=18476 https://tehsilmedia.info/index.php?newsid=18476

Bakıda "İdrak" liseyində müəllimin güllələnməsi ilə bağlı cinayət işi üzrə məhkəmə prosesi başlayıb.

AzEdu.az xəbər verir ki, bu gün Bakı Ağır Cinayətlər Məhkəməsində hakim Vüqar Quliyevin sədrliyi ilə keçirilən hazırlıq iclasında anket məlumatları dəqiqləşdirilib.

Prosesdə təqsirləndirilən şəxsin vəkili və zərərçəkən iştirak etmədiyinə görə iclas iyunun 17-nə təxirə salınıb.

Qeyd edək ki, hadisə fevralın 6-da paytaxtın Binəqədi rayonunda yerləşən özəl “İdrak” liseyində baş verib.

Baş Prokurorluğun Mətbuat xidmətinin yaydığı məlumata görə, məktəbdə şagird tərəfindən odlu silahdan atəş açılmaqla müəllimə xəsarət yetirilməsi faktı ilə bağlı rayon prokurorluğuna məlumat daxil olub. Hadisəni törətməkdə şübhəli bilinən şagird saxlanılıb. Fevralın 7-si Binəqədi Rayon Məhkəməsinin qərarı ilə barəsində 4 ay müddətə həbs qətimkan tədbiri seçilib.

Faktla bağlı Binəqədi rayon prokurorluğunda cinayət işi başlanılıb. Azərbaycan Respublikasının Cinayət Məcəlləsinin 29, 120.2.2-ci (Xuliqanlıq niyyəti ilə adam öldürməyə cəhd) maddəsi ilə yekun ittiham elan olunub.]]> sakit Fri, 05 Jun 2026 18:29:29 +0400 https://tehsilmedia.info/index.php?newsid=18475 https://tehsilmedia.info/index.php?newsid=18475

Bakıda "İdrak" liseyində müəllimin güllələnməsi ilə bağlı cinayət işi üzrə məhkəmə prosesi başlayıb.

AzEdu.az xəbər verir ki, bu gün Bakı Ağır Cinayətlər Məhkəməsində hakim Vüqar Quliyevin sədrliyi ilə keçirilən hazırlıq iclasında anket məlumatları dəqiqləşdirilib.

Prosesdə təqsirləndirilən şəxsin vəkili və zərərçəkən iştirak etmədiyinə görə iclas iyunun 17-nə təxirə salınıb.

Qeyd edək ki, hadisə fevralın 6-da paytaxtın Binəqədi rayonunda yerləşən özəl “İdrak” liseyində baş verib.

Baş Prokurorluğun Mətbuat xidmətinin yaydığı məlumata görə, məktəbdə şagird tərəfindən odlu silahdan atəş açılmaqla müəllimə xəsarət yetirilməsi faktı ilə bağlı rayon prokurorluğuna məlumat daxil olub. Hadisəni törətməkdə şübhəli bilinən şagird saxlanılıb. Fevralın 7-si Binəqədi Rayon Məhkəməsinin qərarı ilə barəsində 4 ay müddətə həbs qətimkan tədbiri seçilib.

Faktla bağlı Binəqədi rayon prokurorluğunda cinayət işi başlanılıb. Azərbaycan Respublikasının Cinayət Məcəlləsinin 29, 120.2.2-ci (Xuliqanlıq niyyəti ilə adam öldürməyə cəhd) maddəsi ilə yekun ittiham elan olunub.]]> sakit Fri, 05 Jun 2026 13:29:14 +0400 https://tehsilmedia.info/index.php?newsid=18474 https://tehsilmedia.info/index.php?newsid=18474
Geologiya İnstitutuna direktor müavini təyin edilib
Elçin Vəliyev Geologiya İnstitutunda direktor müavini təyin olunub. O həmçinin institutun direktor vəzifəsinin səlahiyyətlərini müvəqqəti icra edəcək.

AzEdu.az xəbər verir ki, elm və təhsil naziri Emin Əmrullayev bu barədə əmr imzalayıb.

Qeyd edək ki, o, 2010-cu ildən etibarən SOCAR-ın Neft Qaz Elmi-Tədqiqat Layihə İnstitutunda müxtəlif vəzifələrdə fəaliyyət göstərib, son təyinatadək Analitik Tədqiqatlar Laboratoriyasının müdiri olub.]]> sakit Fri, 05 Jun 2026 13:28:34 +0400 https://tehsilmedia.info/index.php?newsid=18473 https://tehsilmedia.info/index.php?newsid=18473

Növbəti tədris ili üçün dövlət ümumi təhsil müəssisələrinə müəllimlərin işə qəbulu (MİQ) üzrə müsabiqənin elektron sənəd qəbulu mərhələsi başlayıb.

Elektron sənəd qəbulu 3-10 iyun tarixlərini əhatə edəcək.

Müəllimlərin işə qəbulu üzrə test imtahanlarının isə iyulun 1-8-də keçirilməsi planlaşdırılır.

AzEdu.az xəbər verir ki, müəllimlərin işə qəbulu qaydalarına əsasən, namizədlərə test imtahanında ümumilikdə 60 sual təqdim olunacaq.

Qaydalara əsasən, test imtahanında namizədlərə tədris etdikləri fənn üzrə ümumtəhsil proqramlarına aid 40 sual təqdim ediləcək. Bundan əlavə, tədris metodikası və təlim strategiyalarını əhatə edən 20 sual da namizədlərin bilik və bacarıqlarını qiymətləndirmək üçün istifadə olunacaq.

Namizədlərə nə qədər vaxt veriləcək?

Test imtahanı üçün namizədlərə 150 dəqiqə vaxt ayrılacaq.

Əlilliyi olan şəxslərin imtahanda iştirakının təmin edilməsi üçün əlverişli şərait yaradılacaq. Müvafiq normativ sənədlərə uyğun olaraq pedaqoji fəaliyyətlə məşğul olmaq hüququ olan bəzi namizədlər üçün fərdi nəzarətçi təyin ediləcək və onlara əlavə 30 dəqiqə vaxt veriləcək.

Qayda pozan namizədləri nə gözləyir?

İmtahan zamanı yolverilməyən hərəkətlər və qadağan olunmuş əşyalarla bağlı məlumatlar əvvəlcədən namizədlərin şəxsi kabinetlərinə göndəriləcək.

Namizəd müəyyən edilmiş tələbləri pozduğu halda bu barədə akt tərtib ediləcək və həmin şəxs müsabiqədən kənarlaşdırılacaq. Əgər qayda pozuntusu müsabiqə başa çatdıqdan sonra aşkarlanarsa, namizədin nəticələri ləğv olunacaq.

Ballar necə hesablanacaq?

Qaydalara görə, ümumtəhsil proqramı üzrə hər düzgün cavab 2 balla, tədris metodikası üzrə hər düzgün cavab isə 1 balla qiymətləndiriləcək.

Səhv cavablara görə isə bal çıxılacaq. Belə ki, ümumtəhsil proqramı üzrə hər səhv cavaba görə 0,5 bal, tədris metodikası üzrə hər səhv cavaba görə isə 0,25 bal silinəcək.

Nəticələr nə vaxt açıqlanacaq?

Test imtahanının nəticələri imtahan başa çatdıqdan dərhal sonra elan ediləcək.

Qeyd edək ki, MİQ müsabiqəsində iştirak rüsumu 60 manatdır. Amma qanunvericiliyə əsasən, müsabiqədə ilk dəfə iştirak edən namizədlər, şəhid ailəsinin üzvləri, müharibə veteranı adı alanlar, əlilliyi olanlar və ünvanlı dövlət sosial yardımı alan ailələrin üzvləri müsabiqədə ödənişsiz iştirak edirlər.]]> sakit Fri, 05 Jun 2026 13:28:01 +0400 https://tehsilmedia.info/index.php?newsid=18472 https://tehsilmedia.info/index.php?newsid=18472

Azərbaycan Respublikası Birləşmiş Millətlər Təşkilatının Ətraf Mühit Proqramı (UNEP) ilə tərəfdaşlıq çərçivəsində Bakıda Ümumdünya Ətraf Mühit Gününə (WED) ev sahibliyi edir.

Redaktor.az xəbər verir ki, tədbir “Təbiətdən ilham alaraq. İqlim naminə. Gələcəyimiz naminə.” mövzusunda keçirilir.

Xatırladaq ki, Azərbaycan Ümumdünya Ətraf Mühit Günü ilə bağlı estafeti 2024-cü ildə Koreya Respublikasında təşkil olunan tədbirdə qəbul edib.]]> sakit Fri, 05 Jun 2026 13:27:39 +0400