https://tehsilmedia.info/ tr Video - Təhsil Media DataLife Engine https://tehsilmedia.info/index.php?newsid=14336 https://tehsilmedia.info/index.php?newsid=14336

Naftalan şəhər 2 nömrəli tam orta məktəbin direktoru Adilə Bağırova işçisi ilə arasında yaranan problemlə əlaqədar haqsız olmasına rəğmən ədavət aparır və "Arxasında dayanan gücdən" istifadə edərək müəllimə və onun ailəsinə hədə-qorxu gəlir. Eləcə də şantaj və şər-böhtanla şəxsiyyətini alçaldır, nüfuzunu sarsıdır, müəllimi cəmiyyətdə sosial bullinqə məruz qoyur. Adilə Bağırovanın hiddəti, nifrəti, ədavəti elə bir həddə çatıb ki, hətta müəllimin ailəsinə də oyunlar qurub hərtərəfli alçaldıcı işlər görür. Sözün əsl mənasında heç kəsin ağlına gəlməyən ssenariləri məhz Adilə Bağırova həyata keçirir.

Bəs bu ədavətin yaranma səbəbi nədir?  


İlhamə müəllim işində savadlı, peşəkar çox məsuliyyətli pedaqoqdur. Məktəbə anidən gələn yoxlama İlhamə müəllimənin açıq dərsində iştirak edir. Dərsi həddindən artıq bəyənirlər. İcra başçısı Musa Musayev oturduğu açıq dərsi çox bəyənir və direktora müəllimin neçə saat dərsi olduğunu soruşur. 9 saat dərsi olduğunu öyrəndikdən sonra 12 saata qaldırmasını bildirir. Beləliklə, İlhamə xanımın dərsi 12 saat olur. Həmin vaxt İlhamə xanım 8 aylıq hamilə olduğundan analıq məzuniyyətinə çıxır. Məzuniyyətdən qayıtdıqdan sonra məktəb direktorunun dəyişdiyini görür. Belə ki, artıq Adilə Bağırova direktor idi və o, müəllimə sadəcə 6 saat dərs verirdi. İlhamə xanım digər 6 saatını da istədikdə, direktor ondan 500 manat pul tələb edir. Maddi vəziyyəti yaxşı olmayan İlhamə xanım pulu ödəyə bilmir. Ancaq vəziyyətin belə davam etdiyini görən müəllim öz haqqını bərpa etmək üçün aidiyyatı üzrə rəsmi şəkildə müraciət edir və 12 saat dərsi bərpa olunur.

Daha sonra Diaqnostik qiymətləndirmə keçirildi. İlhamə xanım yüksək bal toplasa da, 16 saat yığana da, İlhamə müəllimə də eyni saat dərs verdilər. İlhamə xanım 146- ya zəng vurduqdan sonra, ETN direktora cədvəl göndərdi və İlhamə xanıma qanunla 21-28 saat arası dərs verməli olduğunu bildirdi. Bundan sonra İlhamə xanıma 21 saat dərs verildi.

Bəs Adilə xanımın arxasında duranlar kimlərdir? Naftalan şəhər polis rəisi ilə yaxşı münasibəti olmasından istifadə edərək bir sözü ilə istədiyini edəcəyini bildirir. Bundan istifadə edərək hər kəsə hədə-qorxu gəlir.

Qeyd edək ki, proseslər fonunda 2018-ci ildə İlhamə xanımın 15 yaşlı qızına da qarayaxma əməliyyatı keçirmiş və günahsız yerə qızın adına şər-böhtan çıxarmışdı. Hətta anasından xəbərsiz qızını uzun müddət şantaj da etmişdi. Sonra İlhamə xanımın həyat yoldaşının yaxınlıq etdiyi xanım xoşagəlməz hərəkətlər edirdi. Səs yazılarında da açıq-aşkar faktlar vardır ki, Aytən xanım (ad şərtidir) İlhamə xanımı evinə dəvət edir, Lamiyə xanım getmir. Besetkada görüşürlər və İlhamə xanım xahiş edir ki, oğlunun 17 yaşı var, gəncdir, onun yanında xoşagəlməz hərəkətlər olmasın. Sadəcə xahiş edir və faktlarla sübut vardır.

Aprelin 28- də Vilayət Eyvazovun qəbulunda olub Adilə Bağırovanın etdiyi hər şeyi olduğu kimi danışıb və sadəcə psixi və fiziki zorakılığa məruz qaldığını, o cümlədən vəzifə səlahiyyətlərindən sui-istifadə etdiyini, hətta polisə söhbət getdikdə də, onun lehinə həll edildiyini bildirmişdir. Vilayət müəllim bu işlə mütləq məşğul olub həll edəcəyini qəti şəkildə bildirmişdir. Nazirliyin nəzdində cinayət işi açıldığı deyilmişdir. Amma Adilə Bağırova bunu eşidən kimi elə səhəri gün 29 aprel məktəbdə çox sakit şagirdlərdən olan Fikrətin belini çimdiklədiyini bildirmişdir. Belə hal olmayıb, hətta səs yazıda da atası oğlundan soruşduqda, bu hadisənin baş vermədiyini deyir. Hansı ki, Adilə müəllimə şagirdin anası ilə danışmış və saxta bir ssenari qurmağa nail olmuşdu. 

Bütün bu hadisələrdən sonra səhhətində ciddi problem yaranan Lamiyə xanım təcili Gəncədə İstanbul NS klinikaya çatdırılır və xəstəxanada müalicə almalı olur. Bu baxımdan məzuniyyətə çıxır. 4 iyun məzuniyyətdən qayıdan kimi Adilə Bağırova 4 polislə birlikdə polis bölməsinə aparılmasına məcbur edir. İlhamə müəllim haqqını tələb etsə də, şagirdlərin, müəllim yoldaşlarının önündə belə bir hal yaşamağa layiq olmasa da, 4 polis müəllimi şöbəyə aparır.


Belə ki, İlhamə müəllimənin yoldaşının yaxınlıq etdiyi Aytən xanım Lamiyə xanımın onunla görüşdüyünü və ona yumruq vurduğunu söyləyib polisə şikayət etmişdir. Şikayət isə nədənsə evə yox, məktəbə getmişdi.  Adilə xanım İlhamə xanımın qızından sonra həyat yoldaşının yaxınlıq etdiyi qadına və oğluna da qarışmağa, istifadə etməyə, ssenari  yazmağa davam etmişdir.

Davamlı şəkildə özbaşınalıq edən, İlhamə xanıma əsassız töhmət, qanunsuz protokollar, intizam tənbehi verən, müəllimlərin, şagirdlərin, valideynlərin yanında alçaldan Adilə Bağırova bu dəfə də pedaqoji şurada guya Fikrəti çimdikləyib adı ilə intizam tənbehi vermişdir. Hansı ki, əgər belə bir hal olsaydı, birinci ekspert çağırılardı, ekspert rəyi verilərdi. Bundan sonra halı pisləşən İlhamə xanım yüksək təzyiqdən əziyyət çəkmişdir. Son olaraq da Vilayət Eyvazova etdiyi şikayəti geri çəkməsi üşün hədələyir. Əlindən gələnin artığını edən, hər cür şər-böhtan atan Adilə Bağırova əslində həddindən artıq özbaşınalıq etmişdir. Əqli qüsurlu uşaqları ümumi siniflərə yönəldib pulunu mənimsəyir. Məktəbin təmirinə ayrılan pulları mənimsəyir və Naftalanda və Safıkürddə özünə ev tikir. Dərs saatlarını satmaq, şagirdləri aylığa buraxmaq, şagirdlərin adından summativləri müəllimlərə yazdırmaq, psixoloqa tarix dərsini vermək kimi qanunsuzluqlar edir.
Kitabxanaçılığı bitirən qardaşı qızını psixoloq edir. Hansı ki, qardaşı qızının əri müstəntiq kimi çalışıb, sonralar xoşagəlməzliklər olub və işdən çıxarılıb amma rəislə münasibət və bu münasibətdən istifadə hələ də davam edir. Diaqnostikdən pul verib tarix müəlliminə bal yazıdırır ki, qardaşı qızı psixoloq kimi rahat işləsin. Biologiya müəlliminə coğrafiya dərsi verir. Tarix müəlliminə coğrafiya dərsi verir. Hərbi dərsi keçirilmir və pulu mənimsənilir. Şagirdlərdən məktəbi təmir etdirməyə pul yığır. Sənədləşmə işləridə düzgün olsun deyə bayram vaxtı müəllimləri işə cəlb edir. 
Məktəbin axranı əmisi oğludur. Direktorun katibəsi qardaşının kürəkəninin əmisi qızıdır. Bacısı müəllimdir.
Müəllim hər il 8 mart və 27 iyunda təntənəli surətdə 50-100 manatdan pul yığıb müəllimə ya zinət əşyası alır, ya da konvertdə pul verirlər.

İlhamə xanım transfer almaq istədikdə hansı ki, bildirmişdilər ki, Adilə xanımdan hədsiz şikayət var, onsuz da çıxarılacaq. Amma bizim sizin kimi peşəkar müəllimlərə ehtiyacımız var. Amma indiki halda Adilə xanım polislə olan yaxınlığına arxayınlığını bildirmiş, hətta Vilayət Eyvazovun da onun tərəfini tutacağını qeyd etmişdir. Aidiyyatı qurumların məsələni dərindən araşdırmasını və bir anaya, bir qadına, bir müəllimə qarşı, qızını, oğlunu, həyat yoldaşını qarışdırıb belə hadisələr yaşatmasını dəyərləndirib qərar verməsini xahiş edirik.

Tehsilmedia.az]]> sakit Mon, 23 Jun 2025 16:08:09 +0400 https://tehsilmedia.info/index.php?newsid=8035 https://tehsilmedia.info/index.php?newsid=8035

Son günlər ölkədə narkomaniya ilə bağlı vəziyyətin heç də ürəkaçan olmaması ciddi addımların atılmasını zərurətə çevirir. Məlumdur ki, bu gün narkomaniya ən çox məktəblilər arasında yayılır. Bunun da bir sıra səbəbləri mövcuddur. Belə ki, yeniyetmələrin düşüncəsinin tam formalaşmaması və onların təsir altına tez düşməsi narkotacirləri məktəblilər arasında narkomaniyanı yaymağa sövq edir. Bu isə gələcəyimizin məhv olmasını şərtləndirən ən asan üsuldur. Bəs görəsən, "ağ ölüm"dən və narkomaniya bəlasından yeniyetmələri və gəncləri necə xilas etmək olar?

Mövzu ilə bağlı "tehsilmedia.info"a danışan narkomaniya üzrə ekspert Emil Maqalov bildirib ki, narkomaniyanın gənc nəsil arasında yayılmasının qarşısını nisbətən almaq üçün məktəblərdə və digər təhsil ocaqlarında şagirdləri maarifləndirmək lazımdır: "Bu məsələdə ən böyük məsuliyyət isə psixoloqların üzərinə düşür. Lakin təəsüflər olsun ki, psixoloqların demək olar ki, 70 faizinin narkomaniya ilə bağlı məlumatı çox zəifdir. Odur ki, birinci növbədə psixoloqlarda bu məsələyə maraq yaradılmalı, digər tərəfdən isə onlar arasında narkotik və narkomaniya ilə bağlı maarifləndirici tədbirlər aparılmalıdır. Bu halda psixoloqların da şagird və tələbələrə danışmağa, onları məlumatlandırmağa informasiya bazaları olacaq".

Ekspertin sözlərinə görə, psixoloqlar narkomaniya ilə bağlı məlumatlı olsalar, daha çox gəlirli təlimlərə qoşularaq əlavə vəsait qazanarlar. Yəni 200-300 manat müqabilində məktəblərdə qalmazlar: "Bu, ağıllı bir yanaşmadır. Üstəlik, bu məsələdə digər bir məsələ psixoloqların özləırinə narkomaniya ilə bağlı təlimləri kimin keçəcəyi ilə bağlıdır. Psixoloqlara təlim keçmək üçün xüsusi səriştə tələb olunur. Ona görə də, bu məsələ ilə bağlı Elm və Təhsil Nazirliyi hərəkətə keçməlidir və müraciətlər etməlidir ki, biz ekspertlər də mövzu ilə bağlı hərəkətə keçək. Belə olan halda psixoloqlardan nə isə tələb etmək olar və onlar da şagird və tələbələri maarifləndirməkdə çətinlik çəkməzlər".



Müşviq Tofiqoğlu,

TƏHSİL MEDİA]]> sakit Thu, 14 Dec 2023 22:17:08 +0400 https://tehsilmedia.info/index.php?newsid=7705 https://tehsilmedia.info/index.php?newsid=7705

Dünyada hər nəyin analoqunu axtarsaq Azərbaycanda tapa bilərik. Maşallah olsun, məmləkətimiz nədən olmasa da, "macəra"dan boldur. Odlar diyarında hər nə cür desən insan tipi mövcuddur. Xüsusilə, paytaxt Bakı bu baxımdan daha çox fərqlənir desək, yəqin ki, yanılmarıq. Səbəbsə, çox sadədir. Ölkənin ən çox iş yerləri olan, həyat səviyyəsinin yüksəkliyi ilə seçilən Bakıya bütün bölgələrdən, hətta xarici ölkələrdən belə axın çox güclüdür. Bu da fərqli insan tiplərinin, fərqli xarakterlərin paytaxtda cəmləşməsini qaçılmaz edir.

Şəhərin "macəra" ilə bol olan yerləri də var . Məsələn, "20 Yanvar dairəsi"ni, "Koroğlu kruqu"nu buna misal göstərmək olar. Bu əraziləri Hindistanın "Bombey"i ilə də müqayisə etmək mümkündür. İnsan əlindən tərpənmək olmur, taksi sürücülərinin bağırtısı ilə illərlə adamın qulaqlarında zəngulə vurur. Etikadan kənar olsa da deyəcəm, burada sözün bütün mənalarında "it yiyəsini tanımır".

Təəssüflər olsun ki, insanların bir parça çörək qazanmaq istəkləri onları vəhşi cəngəlliyin ən vəhşi yırtıcıları səviyyəsinə enməyə məcbur edib. Bir manat pul qazanmaq üçün öz taksi yoldaşını tapdalayaraq "klienti" qapmağa çalışan, səs diapazonunun imkan verdiyi qədər qışqıran və müştəri səsləyən, öz işindən ötrü başqalarının haqqına girən hər nə qədər insan tipi desən, "20 Yanvar dairəsində" və ya "Koroğlu kruqunda" görmək mümkündür. Bir sözlə, bu ərazilərdə 5 dəqiqə müşahidə aparmaqla bir kitab yazmaq olar. "Pirşağı", "Məhəmmədiyə bir manatdan", "Zabratdan Kürdəxanıya" və sair bu kimi çağırışlardan adamın lap qulağı tutulur. Bu cür səs-küydə və sıxlıqda normal bir insan hara getdiyini də unuda bilər. Hətta səhvən "Əhmədli" yerinə "Kürdəxanıya" da yön almaq mümkündür. Sanki insanlar özlərinə lazım olan marşrutu və ya istiqaməti bilmirlər. Elə bu səbəbdən də taksi şoferləri səs-səsə verərək xorla onlara yön göstərməyə çalışırlar. Tıxac, insan sıxlığı, səs-küy və digər biyabırçılıqlar nə yazıq ki adlarını çəkdiyim bu ərazilərdə yaşanır və gündəlik həyat tərzinə çevrilib. Sözün əsl mənasında biyabırçılıqdır. Ümid edirik ki, aidiyyatı qurumlar bu biyabırçılıqlara son qoymağın yolunu tapacaqlar. Axı Bakıya xarici turistlər də gəlir. Onların bu cür neqativ halları görməsi həm ölkəmiz, həm də millətimiz üçün başucalığı gətirməz...

Müşviq Tofiqoğlu,



TƏHSİL MEDİA]]> sakit Thu, 07 Dec 2023 20:30:05 +0400 https://tehsilmedia.info/index.php?newsid=6750 https://tehsilmedia.info/index.php?newsid=6750

Bir çox yerli və xarici brendləri özündə birləşdirən, münasib qiyməti və yüksək keyfiyyəti ilə alıcıların diqqətini cəlb edən İEK şirkətlər qrupu hər cür elektrik mallarının satışını həyata keçirəcək mağazasının açılışını edib.

"tehsilmedia.info" xəbər verir ki, Sumqayıtda açılışı baş tutan mağaza mindən çox çeşidlə müştərilərin xidmətinə verilib. Qeyd edək ki, "IEK" şirkətlər qrupu 25 ildən çoxdur ki, Azərbaycanın elektrotexniki bazarında fəaliyyət göstərir. Artıq respublika satış bazarında özünü tanıdan, müxtəlif sahələr üçün kabel və məftil, transformator və elektrik məhsullarının topdan və pərakəndə satışında ixtisaslaşan, fəal inkişaf edən şirkətlərdən biridir.

Şirkət həmçinin elektrik lövhələrinin projelənməsi, yığılması və quraşdırılması işlərini də həyata keçirir. Eyni zamanda mühafizə və kommutasiya üçün güc avadanlıqlarının, İşıq mənbələrinin, Kabel daşıyıcı sistemlərin, Kommunal, məişət və kommersiya işıqlandırmasının, Sənayə və küçə işıqlandırmasının satışı ilə də məşğul olur.

Məlumat üçün bildirək ki, şirkətin tədarük etdiyi məhsullar tam sertifikatlaşdırılıb, mövcud GOST və digər beynəlxalq standartlara uyğundur.

TƏHSİL MEDİA]]> sakit Sat, 18 Nov 2023 17:06:19 +0400 https://tehsilmedia.info/index.php?newsid=5576 https://tehsilmedia.info/index.php?newsid=5576

Bir millətin gələcəyini məhv etməyin ən asan yolu onun təhsilinə zərbə vurmaq və savadsız cəmiyyətin formalaşmasına nail olmaqdır. Bəli,"Təhsil millətin gələcəyidir". Necə deyərlər, "Qüvvət elmdədir başqa cür heç kəs, heç kəsə üstünlük eyləyə bilməz". Azərbaycanın təhsil sahəsində uzun illər dövlət tərəfindən həyata keçirilən islahaltlar nəticəsində ölkədə savadlı kadrların formalaşması geniş vüsət alıb. Bu işdə yeni-yeni məktəblərin tikilərək istifadəyə verilməsi, yaxud yenidən qurulması, həmçinin maddi-texniki bazanın formalaşdırılması mühüm rol oynayıb. Lakin təəssüflə qeyd etməliyik ki, təhsil sahəsində hələ də çox ciddi nöqsanlar mövcuddur və bu problemlərin həll olunmaması gələcəyimizi ciddi təhlükə altına qoya bilər. Belə problemlərdən biri də Bakının Nizami rayonunda yerləşən 201 saylı tam orta məktəbdə tüğyan edir. Hərçənd burada baş verən qanunsuzluqların miqyası o qədər böyükdür ki, adıçəkilən məktəbi elm ocağı adlandırmağa da adamın dili gəlmir. 201 saylı orta məktəb sanki "yeraltı qanunlar"la idarə olunur və direktor Afaq Əliyeva da özünü əməlli-başlı "kriminal avtoritet" kimi aparır. Əlbəttə ki, bu qənaətə biz yox, məktəbin direktor müavini işləyən Svetlana Hüseynova gəlib. Onun iddialarını dinlədikcə adamın damarında qanı donur və bir təhsil ocağında baş verən qanunsuzluqlara göz yumulduğuna inanmaq olmur.

tehsilmedia.info xəbər verir ki, Svetlana Hüseynova direktor Afaq Əliyevanın məktəbi özünün biznes subyektinə çevirdiyini, dövlətin küllü miqdarda malını mənimsədiyini iddia edir. Onun sözlərinə görə Afaq Əliyeva 5 və 6-cı siniflərdə oxuyan şagirdlərin sayını saxta yolla artırmaqla küllü miqdarda büdcə vəsaitini mənimsəyir. Bundan başqa dərsə gəlməyən şagirdlərdən pul alaraq onlara qiymət yazdırır. Bundan başqa iddialara görə, direktorun qanunsuzluqları və özbaşınalıqları barədə açıq-aşkar danışan müəllimləri "şərəfsiz" adlandıraraq onları təhqir etməkdən çəkinmir.

Svetlana Hüseynovanın iddiasına görə, direktor Afaq Əliyevanın göstərişinə əsasən 8r sinfinin sinif rəhbəri Valeh Cəbrayılov dərslərdə iştirak etməyən Məcid Nəsibov adlı şagirdə fənn müəllimlərinin əvəzinəsaxta qiymətlər yazıb. Əvəzində isə rüşvət almaqla məsələni ört-basdır ediblər. Lakin fənn müəllimləri Məcid Nəsibov adlı şagirdi tanımadıqlarını və sözügedən qiymətləndirmənin onlara məxsus olmadığını bildirirlər. Svetlana hüseynova daha öncə direktor əvəzi işləyən Rəhilə Məmmədovanın da Qazaxısrtanda yaşayan şagirdi Həbib Muradovunadının 10r sinfinin jurtnalında saxlanmasına göstəriş verərək büdcədən 2 min manata qədər vəsaitin mənimsənilməsinə şərait yaradıb. Direktor müavini işləyən Svetlana Hüseynova bütün bu özbaşınalıqlarla bağlı Elm və Təhsil naziri Emin Əmrullayevə, Bakı Şəhəri üzrə Təhsil İdarəsinin müdiri Mehriban Vəliyevaya və digər aidiyyatı qurumlara müraciət edib. Ümid edirik ki, səsləndirilən iddialarla bağlı 201 saylı orta məktəbdə aidiyyatı qurumlar tərəfindən ciddi araşdırma aparılacaq və qanunpozuntuları aşkarlanacağı təqdirdə vciddi ölçü götürüləcək.

Xatırladaq ki, Bakı şəhəri, Nizami rayonu, 201 nömrəli tam orta məktəb 1964-cü ildən fəaliyyət göstərir. Məktəbdə tədris Azərbaycan və rus dillərində həyata keçirilir. 2012-ci ildə məktəb “İlin ən yaxşı ümumtəhsil məktəbi” müsabiqəsinin qalibi olub.

P.S. Yazıda səsləndirilən iddialarla bağlı adıçəkilən şəxslərin mövqeyini dərc etməyə hazırıq!

tehsilmedia.info]]> sakit Tue, 10 Oct 2023 13:38:06 +0400 https://tehsilmedia.info/index.php?newsid=5568 https://tehsilmedia.info/index.php?newsid=5568

Bakıda imtahan vaxtı dünyasını dəyişən 67 yaşlı Alxaz Qəribovla bağlı bəzi məqamlar aydın olub.

"tehsilmedia.info"ın məlumatına görə, mərhumun qohumu Zeynal İbrahimov Xezerxeber.az-a deyib ki, A.Qəribov universiteti bitirdikdən sonra 35-40 ilə yaxın müddətdə rayonda mühasib işləyib.

O, üç ay əvvəldən sahibkarlıq sahəsi üzrə peşəkar mühasib sertifikatı almaq üçün imtahana hazırlaşıb. Ötən gün imtahan zalında A.Qəribovun halı qəfildən pisləşib.

Yaxınlarının sözlərinə görə, A.Qəribovun ürəyi ilə bağlı indiyə qədər heç vaxt şikayəti olmayıb.

Mərhumun qohumu Z.İbrahimov deyib ki, peşəkar mühasib olan A.Qəribov indiyə qədər bir neçə dəfə imtahanlarda iştirak edib və həyəcandan da bu hadisənin olma ehtimalı yoxdur.

Xatırladaq ki, Bakıda Dövlət İmtahan Mərkəzi (DİM) tərəfindən təşkil edilən Peşəkar Mühasib Sertifikatı imtahanında iştirak edən Zaqatala rayon sakini 67 yaşlı Alxaz Qəribov özünü pis hiss edib və imtahan zalında ölüb.

Faktla bağlı Yasamal Rayon Prokurorluğunda araşdırma aparılır.

]]> sakit Tue, 10 Oct 2023 10:44:22 +0400 https://tehsilmedia.info/index.php?newsid=5410 https://tehsilmedia.info/index.php?newsid=5410

Bir çox yerli və xarici brendləri özündə birləşdirən, münasib qiyməti və yüksək keyfiyyəti ilə alıcıların diqqətini cəlb edən İEK şirkətlər qrupu elektrik mallarının satışı ilə məşğul olan növbəti mağazasının açılışını edib.

"tehsilmedia.info" xəbər verir ki, Dərnəgüldə yerləşən EVROHOME ticarət mərkəzində açılışı baş tutan mağaza mindən çox çeşidlə müştərilərin xidmətinə verilib. Açılışda İEK şirkətlər qrupunun rəsmi nümayəndələri, distribütör şirkətlərin rəhbərləri, tanınmış simalar və media nümayəndələri iştirak ediblər.

Qeyd edək ki, "IEK" şirkətlər qrupu 25 ildən çoxdur ki, Azərbaycanın elektrotexniki bazarında fəaliyyət göstərir. Artıq respublika satış bazarında özünü tanıdan, müxtəlif sahələr üçün kabel və məftil, transformator və elektrik məhsullarının topdan və pərakəndə satışında ixtisaslaşan, fəal inkişaf edən şirkətlərdən biridir.

Şirkət həmçinin elektrik lövhələrinin projelənməsi, yığılması və quraşdırılması işlərini də həyata keçirir. Eyni zamanda mühafizə və kommutasiya üçün güc avadanlıqlarının, İşıq mənbələrinin, Kabel daşıyıcı sistemlərin, Kommunal, məişət və kommersiya işıqlandırmasının, Sənayə və küçə işıqlandırmasının satışı ilə də məşğul olur.

Məlumat üçün bildirək ki, şirkətin tədarük etdiyi məhsullar tam sertifikatlaşdırılıb, mövcud GOST və digər beynəlxalq standartlara uyğundur.

Müşviq Tofiqoğlu,]]> sakit Tue, 03 Oct 2023 20:40:37 +0400