https://tehsilmedia.info/ tr Hadisə - Təhsil Media DataLife Engine https://tehsilmedia.info/index.php?newsid=17760 https://tehsilmedia.info/index.php?newsid=17760
​Kürdəmir rayonunun Sığırlı kənd orta məktəbində sarsıdıcı hadisə baş verdiyi iddia olunur. Verilən məlumatlara görə, məktəbin direktoru Mütəllim Mütəllimov şagirdə qarşı fiziki zorakılıq tətbiq edib. Hazırda hadisə ilə bağlı hüquq-mühafizə orqanları tərəfindən araşdırma aparılır.

Tehsilmedia​.info bildirir ki, yayılan məlumatlara əsasən, məktəb direktoru ilə şagird arasında yaranan münaqişə fiziki zorakılıqla nəticələnib. Zərərçəkən şagirdin 9-cu sinifdən yuxarı siniflərdə təhsil aldığı bildirilir. Hadisənin dərhal ardından məsələ barədə polisə məlumat verilib və iş hazırda polisdədir.

​Hadisə ilə bağlı daxil olan bəzi iddialar isə vəziyyəti daha da gərginləşdirir. Belə ki, direktor haqqında başqa iddialar da irəli sürülür. Belə ki, Mütəllim Mütəllimovun əvvəllər də direktor vəzifəsində çalışdığı, lakin rüşvət və korrupsiya halları ilə əlaqədar işdən kənarlaşdırıldığı deyilir.
​
Bildirilir ki, direktorun yenidən vəzifəyə qaytarılmasında müvafiq təhsil sektorunun müdiri Rəfail Məmmədov böyük rol oynayıb və baş verən qanunsuzluqların "ört-basdır" edilməsinə şərait yaradılıb]]> sakit Fri, 24 Apr 2026 20:20:46 +0400 https://tehsilmedia.info/index.php?newsid=17449 https://tehsilmedia.info/index.php?newsid=17449

Naxçıvan şəhər 12 nömrəli orta məktəbdə müəllimin şagirdə qarşı cinsi təcavüzü ilə bağlı araşdırma başlayıb. Bu haqda “Gündəlik Naxçıvan”a məktəbdə çalışan əməkdaşlar məlumat veriblər.
Onların sözlərinə görə, yerli Təhsil Nazirliyi əvvəlcə bu məsələni ört-basdır etmək istəsə də, valideynlərdən birinin şikayətindən sonra hüquq-mühafizə orqanları işə qarışmalı olub.
Adı çəkilən məktəb Naxçıvanın elit məktəbi kimi tanınır və burada əsasən vəzifəli şəxslərin və ya imkanlı ailələrin uşaqları təhsil alır.
Hadisədə adları hallanan müəllim və yuxarı sinif şagirdinin kimliklərini etik baxımdan açıqlamırıq.
Müəllimlərin bildirdiyinə görə, hadisə bir həftə əvvəl baş versə də, gizlədilib:
“Hadisə sinif otaqlarından birində baş verib və bunu uşaqlar görüblər. Daha sonra məktəb rəhbərliyi nazirliyi məlumatlandırıb. Nazirlikdən bildirilib ki, hadisə haqqında heç yerdə danışılmasın. Hadisəni törədən müəllimə də gözün üstə qaşın var deyən olmayıb.
Daha sonra hadisəni görən, atası vəzifədə olan qız şagirdlərdən biri bunu evdə danışıb. Valideyn isə qızının təhsil aldığı məktəbdə belə bir hadisənin baş verməsindən və təkrarlanacağından narahat olaraq hüquq-mühafizə orqanlarına müraciət edib. Artıq iki gündür DTX işə qarışıb, araşdırma aparılır, sorğu-sual edilir.
Araşdırma zamanı məlum olub ki, münasibət şagirdin də razılığı ilə qurulub, lakin o, azyaşlı olduğundan bu, təcavüz kimi qiymətləndirilir.
Nazirlik isə günahkar müəllimi qorumaqda davam edir. İstəyirlər ki, məsələni bağlamaq üçün günahı məktəbin təlim-tərbiyə üzrə direktor müavininin üzərinə atsınlar və onu töhmətlə işdən çıxarsınlar. O isə haqlı olaraq deyir ki, hadisəni törədən kənarda qalarkən, niyə o cəzalanmalıdır.”
Müəllimlərin bildirdiyinə görə, araşdırmalar zamanı məktəbdə nazirliyin təsiri ilə baş verən digər ciddi qanun pozuntuları da üzə çıxıb:
“Araşdırma zamanı şagirdlərin davamiyyətini yoxlamaq zərurəti yaranıb. Bu zaman məlum olub ki, jurnalda hər gün dərsə gələn kimi qeyd olunan bəzi şagirdlər əslində Bakıda özəl müəllimlərlə təhsil alırlar. Dərsə gəlməyən həmin şagirdlərin hamısına yüksək qiymətlər yazılıb.
Bu işdə birbaşa nazirliyin əli var. Məktəb bunu heç vaxt özbaşına edə bilməz. Nazirlik ört-basdır etməyə çalışsa da, həmin uşaqların müvəqqəti Bakıya getdiyini bildirsə də, araşdırma zamanı məlum olub ki, onlar Naxçıvanı aylar əvvəl tərk ediblər və geri qayıtmaları ilə bağlı nə aeroportda, nə də Culfa gömrük məntəqəsində məlumat var.”
Adı çəkilən nazirlik qeyd olunan iddialara cavab vermək istəməyib]]> sakit Sat, 11 Apr 2026 10:24:30 +0400 https://tehsilmedia.info/index.php?newsid=17368 https://tehsilmedia.info/index.php?newsid=17368
​Sabirabad rayonu Ə. Xanlarov adına Yaxa Dəllək kənd tam orta ümumtəhsil məktəbində əmək qanunvericiliyinin kobud şəkildə pozulması ilə müşayiət olunan ciddi narazılıq yaranıb. Məktəbin təsərrüfat müdiri Balayeva Gülqədəm 65 yaşı tamam olmasına baxmayaraq, qanuni şəkildə uzadılmış müqaviləsinin müddəti bitmədən və heç bir hüquqi əsas olmadan işdən uzaqlaşdırılıb.

​
Tehsil. Media bildirir ki, məlumata görə, cari ilin yanvarın 6-da təsərrüfat müdirinin 65 yaşı tamam olub. Mövcud qanunvericiliyə uyğun olaraq, işəgötürən (məktəb rəhbərliyi) onunla yenidən əmək müqaviləsi bağlayıb. Ən maraqlı məqam isə budur ki, imzalanan həmin rəsmi sənəddə müqavilənin müddəti "müddətsiz" olaraq qeyd edilib. Lakin sonradan verilən əmrdə hansısa naməlum səbəbdən 14 iyun tarixi son müddət kimi göstərilib.
​Lakin qanunsuzluqlar bununla bitmir. Belə ki:
​Aprelin 1-dən etibarən, hələ müqavilə qüvvədə olduğu halda, həmin vəzifəyə başqa bir şəxs göndərilib.
​Hazırkı işçi nə rəsmi xəbərdarlıq alıb, nə də onunla bağlanmış müqaviləyə hüquqi əsaslarla xitam verilib.
​
​Məsələ ilə bağlı müraciət olunan Sabirabad Rayon Təhsil Sektorunun müdiri Həşimov Mircamal hadisədən xəbərsiz olduğunu və məsuliyyətin məktəb direktorunun üzərinə düşdüyünü bildirib. Məktəb direktoru (əvəzedici) Əmirova Könül isə əksinə, göstərişin Sektor müdirindən gəldiyini iddia edir. Bu "məsuliyyətdən qaçış" oyunu fonunda isə bir vətəndaşın əmək hüquqları açıq şəkildə tapdalanır.

​Hüquqi baxımdan burada bir neçə ciddi pozuntu mövcuddur:
​Əmək Məcəlləsi, Maddə 44.2: Əmək müqaviləsi əmrdən üstündür. Əgər müqavilə müddətsizdirsə, əmr ona uyğunlaşdırılmalıdır.

​Vakant Olmayan Yerə Təyinat: İşçi işdən azad edilmədən (ştat boşalmadan) onun yerinə başqasının təyin edilməsi həm əmək, həm də maliyyə intizamının pozulmasıdır.

​Əsassız Xitam: 65 yaş tamam olandan sonra müqavilə yenidən bağlanıbsa, bu fakt artıq işəgötürən tərəfindən qəbul edilib. Müddət bitmədən işçini "yaş" bəhanəsi ilə çıxarmaq hüquqi özbaşınalıqdır.

Üstəlik Əmək Məcəlləsinin
1. Maddə 68 — Əmək müqaviləsinə xitam verilməsinin əsasları
Bu maddəyə görə əmək müqaviləsi yalnız qanunda göstərilən əsaslarla ləğv oluna bilər.

Yəni “səbəbsiz” işdən çıxarma ümumiyyətlə mümkün deyil.

2. Maddə 70 — İşəgötürən tərəfindən müqavilənin ləğvi əsasları
İşəgötürən yalnız bu hallarda işdən çıxara bilər:
İşçi vəzifə öhdəliklərini yerinə yetirmədikdə
Kobud intizam pozuntusu olduqda
İxtisar olduqda
Peşə yararsızlığı sübut edildikdə

Bu səbəblərdən heç biri yoxdur. Bu maddəyə əsasən çıxarılma qanunsuzdur.

3. Maddə 73 — Müddətli əmək müqaviləsi
Bu maddə çox vacibdir:
Müddətli müqavilə müddəti bitənədək qüvvədə qalır
Vaxtından əvvəl yalnız qanuni əsas olduqda ləğv edilə bilər

Göründüyü kimi qanunsuzluqlar bir deyil, beş deyil.

Rəsmi qurumların məsələni araşdırmasını və ədaləti bərpa etməsini xahiş edirik.
]]> sakit Sat, 04 Apr 2026 12:38:53 +0400 https://tehsilmedia.info/index.php?newsid=15954 https://tehsilmedia.info/index.php?newsid=15954

Goranboyda piydanın vurulması ilə nəticələnən yol-nəqliyyat hadisəsi baş verib.

AzEdu.az xəbər verir ki, hadisə rayon ərazisində qeydə alınıb.

Naftalan şəhər sakini 1941-ci il təvəllüdlü Ə.Aslanov idarə etdiyi avtomobil ilə hərəkətdə olan zaman yolu keçmək istəyən rayon sakini 2011-ci il təvəllüdlü A.Əsədovanı vurub.

Dərhal yeniyetmə qız xəstəxanaya yerləşdirilib, onun vəziyyətinin hazırda orta ağır olduğu bildirilir. Hadisə yerinə DYP əməkdaşları cəlb edilib.

Faktla bağlı araşdırma aparılır.]]> sakit Sun, 14 Dec 2025 22:09:08 +0400 https://tehsilmedia.info/index.php?newsid=15615 https://tehsilmedia.info/index.php?newsid=15615
Sabunçu rayonu Bakıxanov qəsəbəsində yerləşən 94 saylı məktəbin şagirdi, 2008-ci il təvəllüdlü Eşqin Məhi oğlu Rüstəmov infarktdan ölüb.

Mərhumun məktəbin həyətində yıxılaraq dünyasını dəyişdiyi bildirilir.

17 yaşlı Eşqin Məhi oğlu Rüstəmov əslən Cəbrayıl rayonundandır.

Mərhumun 3/7 mərasimi dekabrın 1-də Bakıxanov "Mədinə" mərasim evində olacaq.

Allah rəhmət eləsin!]]> sakit Sat, 29 Nov 2025 18:35:30 +0400 https://tehsilmedia.info/index.php?newsid=15333 https://tehsilmedia.info/index.php?newsid=15333

Bakıda 16 yaşlı yeniyetmə itkin düşüb.

AzEdu.az xəbər verir ki, Yasamal rayon sakini 2009-cu il təvəllüdlü Səid Hacızadə yaşadığı evdən çıxıb naməlum istiqamətə gedərək itkin düşüb.

Faktla bağlı araşdırma aparılır.]]> sakit Thu, 06 Nov 2025 10:28:15 +0400 https://tehsilmedia.info/index.php?newsid=15330 https://tehsilmedia.info/index.php?newsid=15330
"OXU.AZ" xəbər verir ki, hadisə Şəki şəhərində qeydə alınıb.

Şəhər sakini, 2009-cu il təvəllüdlü Ömər Salamov "Instagram" sosial şəbəkəsində sinif yoldaşı olan qıza "salam, necəsən?" yazıb. Qız isə onun yazdığına cavab verməyib.


Ömərin digər sinif yoldaşı Kərim isə bu yazışmanı görüb və Öməri söhbətə çağırıb.

O, Ömərdən nə üçün qıza yazdığını soruşsa da, Ömər yazdığını boynuna almayıb.

Kərim isə həmin qıza yazanı söyüb və Öməri vurub. Onların yanında olan sinif yoldaşları mübahisənin davaya çevrilməsinin qarşısını alıblar və onlar evlərinə gediblər.

Səhəri gün Ömər Kərimdən qisas almaq üçün evdən bıçaq götürərək, başqa sinif yoldaşından xahiş edib ki, Kərimə zəng vurub, görüşə çağırsın. Sinif yoldaşlarından biri Kərimə zəng vurub və onu görüşə çağırıb.


Həmin vaxt Ömər də həmin yerə gəlib və Kərimin ondan üzr istəməsini tələb edib.

Kərim Ömərdən üzr istəməyib və yenidən mübahisə başlayıb. Mübahisə nəticəsində Ömər üzərində gəzdirdiyi bıçaqla Kərimə qarın nahiyəsindən zərbə endirib.

Sinif yoldaşları Kərimin atasına bu barədə məlumat veriblər. Valideyni Kərimi xəstəxanaya çatdırıb və o, əməliyyat olunub.

Polis əməkdaşlarının keçirdikləri əməliyyatla Ömər Salamov saxlanılıb. Faktla bağlı cinayət işi başlanılıb və iş Şəki Ağır Cinayətlər Məhkəməsinə göndərilib.

Məhkəmənin hökmü ilə Ö.Salamova şərti cəza verilib.]]> sakit Wed, 05 Nov 2025 17:23:23 +0400 https://tehsilmedia.info/index.php?newsid=15282 https://tehsilmedia.info/index.php?newsid=15282
2025-ci ilin yanvarında Əlağa Kərimov, heç bir rəhbərlik təcrübəsi olmadan, Emal Sənayesi üzrə Bakı Dövlət Peşə Təhsil Mərkəzinə direktor əvəzi təyin edilib. Onun əvvəlki vəzifəsi Abşeron Binə Peşə Liseyində dərs hissə müdiri olub. Bu vəzifə imtahansız və direktor əmri ilə təyin olunur – yəni heç bir rəhbərlik bacarığı tələb etmir.

Bununla belə, Kərimov artıq mərkəzdə tələbə və müəllimlər üzərində tam nəzarət qurmağa başlayıb. Mərkəzdəki faktlar göstərir ki, qanunsuz əmirlər və hüquq pozuntuları adi hal alıb:

1. Babayeva Camalə – Qənnadçı Şirniyyat İTÜ-si Düriyyə müəllimin gəlini həmin mərkəzdə təhsil aldığı halda, Əlağa Kərimov onu təhsildən yarımçıq çıxararaq, müəllim köməkçisi vəzifəsinə təyin edib. Bu hərəkətinə görə ona töhmət də verilib. Amma töhmətin üstündən cəmi 1 ay keçmiş direktorun səlahiyyəti yenidən uzadılıb.

Mərkəzdə ali təhsilli olduğu halda xadimə vəzifəsində çalışan çoxsaylı müəllimlər olduğu halda, Əlaqə müəllimin hansı marağı var ki, təcrübəsi olmayan bu şəxsi təhsildən yarımçıq çıxararaq müəllim vəzifəsinə təyin edir?
Bu, digər müəllimlər arasında ciddi narazılıq yaradıb.

2. Abdullayev Sadiq. İxtisasca 70-ci illərdə tarix fakültəsini bitirib. Sonradan neft-qaz üzrə peşə təhsili alıb. Pensiya yaşında olan bir şəxsə neft-qaz operatorluğu üzrə İTÜ-si verilib. Oldu. Bəs elektrik-qaz-qaynağı ixtisası üzrə İTÜ-si necə verilib? Üstəlik, həmin ixtisas üzrə mərkəzdə 3 İTÜ-si olduğu halda.

Bundan əlavə, 3-cü kurs “EQQİ” (Elektrik-qaz-qaynağı) ixtisası üzrə tələbələrdən Sadiq necə kurs işi qəbul edərək onları Dövlət imtahanına buraxıb? İxtisasın heç bir uyğunluğu olmadığı halda, bu qanun pozuntusuna Əlaqə Kərimova necə yol verib?

Bu təyinat qanunsuz və absurd hesab edilir.

3. Könül Nəzərova həm İTÜ-si, həm də Kadrlar şöbəsinin aparıcı mütəxəssisi kimi çalışır. Aydındır ki, İTÜ-si qrupunun cavabdeh şəxsidir. Bəs bu insan nə zaman qrupla məşğul olur, nə zaman kadrlar işini yerinə yetirir? Dövlətin büdcəsi niyə bu şəkildə qanunsuz olaraq talan olunur?

4. Elşən Məmmədov. Bu şəxs Mərkəzə Dəmir Yolları Peşə Məktəbindən mütəxəssis kimi gəlib. Mərkəzdə işəgötürənlərlə əlaqə üzrə mütəxəssis kimi işə qəbul edilib. Onun işi tələbələrin istehsalat sahələrinə cəlb olunması, zavod və fabriklərlə müqavilələrin bağlanması və tələbələrin istehsalata yönləndirilməsindən ibarətdir.

Nazirlər Kabinetinin qərarı ilə korpus rəhbəri ştatı ləğv olunaraq, 1 №-li korpusun rəhbəri Şəhlə Məsimzadə işdən azad edilib. Lakin Əlağa Kərimov Nazirlər Kabinetinin qərarını nəzərə almadan, heç bir səriştəsi olmayan Elşən Məmmədovu qanunsuz şəkildə korpus rəhbəri vəzifəsinə təyin edib. Qanunla korpusa rəhbərliyi yalnız direktor müavinləri həyata keçirə bilər.

Bundan başqa, Əlağa Kərimov Elşən Məmmədova o qədər səlahiyyət verib ki, indi Elşən direktor otağında əyləşərək özünü rəhbər kimi aparır. Hətta Müəllimlər Günü üçün pul yığmaq, dərsə gecikən müəllim və tələbələri cəzalandırmaq və s. kimi səlahiyyətlərə malikdir. Bir sözlə, korpusu faktiki olaraq o idarə edir.

Bəs Nazirlər Kabinetinin qərarı hara getdi? Əgər belə idi isə, o zaman Şəhla Məsimzadə niyə və hansı əsasla işdən uzaqlaşdırıldı?


5. Hüseynli Aysu və Ismayılov Əkbər kimi tələbələrə qarşı qiymət manipulyasiyası və zorakılıq halları baş verib.

17 yaşlı tələbə qızın Əlağa Hüseynov ITÜ- si tərəfindən seksual xarakterli qeyri - etik hərəkəti olmuşdur. Tələbə direktora şikayət edəndə isə Əlağa Kərimov tələbəyə və valideyninə hədə - qorxu gələrək susdurur və Əlağa Hüseynov öz xahişi ilə işdən kənarlaşdırır. Təhsildə baş verən bu dəhşətli cinayəti Əlağa Kərimov niyə gizlədir və ört-basdır edir? Yəqin ki, öz dövründə belə bir dəhşətli cinayət hadisəsində biabr olmaması üçün belə etmişdir.

6. Vüsalə Məmmədova- Bələdiyyə ixtisası ilə əməliyyatçı-mühasib İTÜ-si vəzifəsinə təyin edilib. Bu, harada görülüb?

7. Nuranə müəllim- Dayəlik ixtisasını bitirib, amma kompyuter üzrə İTÜ-si vəzifəsi verilib.

8. Bağıyeva Yeganə. Riyaziyyat ixtisasını bitirib, lakin ona Kompüter İTÜ-si vəzifəsi verilib.

9. Aysel Onur. Bu xanımın peşə təhsili var, o da 1 illik. Ona Logistika İTÜ-si verilib. Bu il isə Agentlik həmin xanımı imtahana buraxmayıb. Çünki qanuna əsasən, 5 il iş təcrübəsi olmayan şəxs imtahana buraxıla bilməz. Lakin Əlaqə Kərimova buna baxmayaraq, ona yenə də İTÜ-si vəzifəsi verib.

Necə olur axı? İmtahana buraxılmayan bir şəxsə İTÜ-si verilir. Üstəlik, ən qabaqcıl ixtisas – Logistika üzrə.

Sosial şəbəkələrdə yayılan məlumatlar göstərir ki, Füzuli Talıbov və Simnar Məmmədov kimi şəxslər Kərimovun təyinatını dəstəkləyir və onun qanunsuz hərəkətlərinə müdaxilə etmir.

Nəticə: Peşə təhsili müəssisəsində qanunsuz təyinatlar, imtahansız rəhbərlik və hədə-qorxu artıq sistem halını alıb. Bu vəziyyət təhsil mühitini dağıdır, müəllimlərin və tələbələrin hüquqlarını pozur.]]> sakit Sat, 01 Nov 2025 23:12:14 +0400 https://tehsilmedia.info/index.php?newsid=15275 https://tehsilmedia.info/index.php?newsid=15275
Biləsuvar məktəbinin direktoru uşağın şəxsi işini vermir- Təhsil Nazirliyi isə susur.

Azərbaycanın bir çox bölgəsində ailə mübahisələri yalnız ailə üzvlərinin deyil, uşaqların da taleyini müəyyənləşdirir. Səringül Hüseynovanın hekayəsi də belə bir hadisədir. O, illərdir ki, keçmiş həyat yoldaşı Şamxal Həziyev ilə bağlı həm məhkəmə, həm də idarəetmə orqanları qarşısında ədalət axtarır.
Səringül xanımın iki övladı var. Boşanma qərarından sonra uşaqların ananın himayəsində qalması barədə məhkəmə qərarı çıxarılıb. Lakin sonradan Şamxal Həziyev cinayət məsuliyyətinə cəlb olunarkən, məhkəməni aldatmaqla, uşaqları öz himayəsinə götürməyə nail olub. Məqsədi isə, uşaqların atalıq himayəsində olduğunu göstərərək daha yüngül cəza almaq idi. Nəticədə, ana uşaqlarından məhrum olub, uşaqlar isə illərlə psixoloji və fiziki təzyiq altında yaşayıblar.
Səringül Hüseynovanın iddialarına görə, Şamxal Həziyev uşaqlara qarşı fiziki və mənəvi zorakılıq edib, qızını evdə məişət işlərinə və ikinci arvadından olan uşaqlara baxmağa məcbur edib, oğlunu isə azyaşlı olmasına baxmayaraq nənəsinin işlədiyi kafedə işləməyə göndərib, həmçinin özü ilə aparıb onu tarlada işlədib. Bu şiddət və təhqir halları barədə dəfələrlə polis orqanlarına və yerli icra hakimiyyətinə müraciətlər edilsə də, nəticə gecikib, uşaqlar uzun müddət psixoloji və sosial təzyiq altında qalıb.
2025-ci ilin yayında ana ata evində stres keçirtmiş 11 yaşlı qızını Biləsuvar rayonundan Bakıya gətirərək müalicə etdirmiş, həmçinin Sabunçu rayonunda məktəbə yerləşdirib. Lakin burada da böyük bir hüquqi baryerlə qarşılaşıb: Biləsuvar şəhər N.Nərimanov adına 6 nömrəli məktəbin direktoru avqust ayından bu günədək uşağın şəxsi işini təqdim etməkdən imtina edib. Direktorun arqumenti belə olub ki, “uşaqların atanın himayəsində olması barədə məhkəmə qərarı var” və “atanın icazəsi olmadan sənədi verə bilmərik.” Halbuki Azərbaycan Respublikasının “Təhsil haqqında” Qanunu və Təhsil Nazirliyinin 13.07.2022-ci il tarixli F-438 nömrəli əmri açıq şəkildə bildirir ki: “Şagirdin yaşayış yeri və məktəbi dəyişdikdə, onun şəxsi işi valideynin və ya qanuni nümayəndənin müraciəti əsasında yeni məktəbə verilməlidir.” Bu norma uşağın təhsil hüququnun toxunulmaz olduğunu təsdiqləyir.
Heç bir məktəb direktoru və ya icra hakimiyyəti əməkdaşı valideynlər arasındakı mübahisəyə əsaslanaraq uşağın təhsil sənədlərini saxlaya bilməz. Biləsuvar şəhər N.Nərimanov adına 6 nömrəli məktəbin direktoru isə özünü sanki məhkəmə icraçısı kimi apararaq, 2020-ci ildə uşağın atada qalmasına dair məhkəmə qətnaməsinə istinad edib, heç bir tədbir görmədən vəziyyəti dondurub, qanun pozuntusuna yol verərək, uşağın təhsil prosesini süni şəkildə əngəlləmişdir.
Direktor qanunla müəyyən edilmiş vəzifəsini yerinə yetirmək əvəzinə, məhkəmə qərarının icrasını bəhanə gətirərək, uşağın təhsil hüququnun pozulmasına bilavasitə şərait yaradıb. Uşağın artıq iki aydan çoxdur Bakı şəhərində təhsil almasına baxmayaraq, direktor bu barədə nə Təhsil Nazirliyinə, nə də Şirvan-Salyan Regional Təhsil İdarəsinə məlumat verməmiş, öz rəhbərlik etdiyi məktəbdə uşağın faktiki olaraq təhsildən kənarda qalmasına göz yummuşdur. Bu, həm Təhsil haqqında Qanunun 5.4 və 30.1-ci maddələrinin, həm də Konstitusiyada təsbit edilmiş təhsil hüququnun açıq pozuntusudur.
Direktor bu qanuni normanı bilərəkdən və məqsədli şəkildə pozaraq, uşağın şəxsi işinin təqdim edilməsini əsassız şəkildə ləngidir. O, öz vəzifə səlahiyyətlərindən kənara çıxaraq, qanunla müəyyən edilməmiş və şəxsi mülahizələrə əsaslanan bəhanələrlə prosesi süni şəkildə uzadır. Hər dəfə müxtəlif və bir-birinə zidd bəhanələr gətirir- guya atanın icazəsi yoxdur, guya məhkəmə qərarı var, hətta “uşağın atası deyib ki, sənəd verilsə, məktəbi dağıdacağam” kimi əsassız iddiaları irəli sürür. Bu davranışlar qanunvericilikdə nəzərdə tutulmayıb və tamamilə özbaşına, subyektiv qərar kimi qiymətləndirilməlidir. Nəticədə uşağın təhsil hüququ kobud şəkildə pozulub, onun yeni məktəbdə sənədlərinin rəsmiləşdirilməsi mümkünsüz hala gətirilib. Bu həm uşağın, həm də ananın hüquqlarına qarşı açıq sayğısızlıqdır.
Məktəb direktoru nəzərə almır ki, artıq Səringülün qızının 11 yaşı var və Azərbaycan Respublikasının Ailə Məcəlləsinə əsasən, bu yaşda uşaq özü qərar verə bilər ki, hansı valideynin yanında yaşamaq istəyir, Səringülün qızı isə anası ilə yaşamaq istəyini artıbildiribdir. Həmçinin Səringülün məhkəmədə qaldırdığı iddianın təmin olunma ehtimalı da yüksəkdir, çünki qəyyumluq komissiyasının mövqeyi və faktiki yaşayış şəraiti bu qərarı dəstəkləyir. Bundan əlavə, müvafiq elektron təhsil sisteminə daxil olmuş məlumatlardan da aydın görünür ki, uşaq artıq Bakı şəhərində yerləşən ümumi təhsil məktəbində oxuyur. Bütün bu faktları görə-görə sənədin verilməsini ləngitmək yalnız qanunsuz deyil, həm də uşağın təhsil hüququnun pozulmasının davam etdirilməsidir.
Bu məsələnin həlli üçün Səringül Hüseynova dəfələrlə Bakıdan Biləsuvar şəhərinə gələrək məktəb direktoru ilə şəxsən görüşmüş, vəziyyəti izah etmiş və uşağın şəxsi işinin verilməsini xahiş etmişdir. Lakin məktəb direktoru problemi həll etmək əvəzinə sanki uşağın atasının vəkili kimi davranmış, onun mövqeyini müdafiə edərək sənədləri təqdim etməkdən imtina etmişdir.
Belə davranış məktəb rəhbərliyinə yaraşmayan, həm pedaqoji etika, həm də “Təhsil haqqında” Qanunun müddəalarının tələblərinə zidd bir haldır. Məlum deyil ki, dövlət təhsil müəssisəsinin rəhbəri hansı motivlərlə və ya kiminsə təsiri altında uşağın atasının açıq-aşkar qanunsuz tələblərini yerinə yetirməyə üstünlük verir. Bu hərəkət həm uşağın, həm də ananın hüquqlarının pozulmasının davam etməsinə səbəb olmuşdur.
Sənədlərin verilməməsi səbəbindən uşaqda psixoloji gərginlik yaranıb, o, təhsil prosesində qeyri-müəyyənlik və stress içində qalıb. Direktorun bu davranışı uşağın sosial uyğunlaşmasına və tədris davamlılığına zərbə vurub. Belə hərəkətlər “Təhsil haqqında” Qanunun 5.1, 5.4, 14.17-1, 14.19, 30.1 və 30.9-cu maddələrinin, həmçinin Ailə Məcəlləsinin 49 və 51-ci maddələrinin tələblərinin açıq şəkildə pozulmasıdır. Direktorun bu mövqeyi həm hüquqi, həm də etik baxımdan yolverilməzdir, çünki o, bir dövlət təhsil müəssisəsinin rəhbəri olaraq uşağın təhsil hüququnun qorunması əvəzinə onun qarşısında əsas maneəyə çevrilib.
Maraqlıdır ki, Səringül Hüseynova bu məsələ ilə bağlı Şirvan-Salyan Regional Təhsil İdarəsinə də müraciət edib. Hətta idarənin hüquqşünası ilə dəfələrlə əlaqə saxlanılıb, lakin bu günə qədər heç bir real tədbir görülməyib. Nəticədə, məktəb rəhbərliyinin qanunsuz hərəkətləri davam edir, uşaq isə sənədlərin verilməməsi səbəbindən təhsil prosesində rəsmi qeydiyyatsız vəziyyətdə qalır.
Ana, həmçinin əvvəllər AR CM-nin 128-ci maddəsi ilə məhkum olunmuş keçmiş həyat yoldaşının barəsində böhtan və təhqir cinayəti ilə bağlı xüsusi ittiham qaydasında şikayət verib. Şamxal Həziyevin AR CM-nin 147 və 148-ci maddələri (böhtan və təhqir) üzrə cinayət məsuliyyətinə cəlb olunmasını tələb edir. Eyni zamanda, uşaqların atadan alınaraq anaya verilməsi tələbi üzrə mülki qaydada məhkəmə baxışı da davam edir. Artıq qəyyumluq və himayəçilik komissiyasının da mövqeyi bəllidir.
Təbii ki, uşaqların ananın himayəsində qalması onların mənafeyinə daha uyğun hesab edilməlidir. Ana, uşaqların qayğısını və gündəlik ehtiyaclarını təmin etməklə yanaşı, onların psixoloji vəziyyətini də sabitləşdirib, təhsil və sağlamlıq məsələlərinə xüsusi diqqət yetirir. Atanın isə uzun müddətdir uşaqlarla maraqlanmaması, onların tərbiyəsinə və sosial inkişafına biganə qalması bu qərarın zəruriliyini bir daha təsdiqləyir. Bu baxımdan, həm Ailə Məcəlləsi, həm də BMT-nin Uşaq Hüquqları Konvensiyasının müddəaları tələb edir ki, uşaqlara dair bütün qərarlar onların ali mənafeyi prinsipi əsasında qəbul edilsin.
Bu hadisə tək bir ailənin problemi deyil. Bu, sistemli hüquqi boşluqların, təhsil strukturlarındakı özbaşınalığın və uşaqların hüquqlarının qorunmasında passivliyin bariz nümunəsidir. Bir tərəfdə qanunsuz hərəkət edən ata, digər tərəfdə qanunu tanımayan məktəb rəhbərliyi, üçüncü tərəfdə isə səssiz qalan regional idarə…
Əslində, bu cür hallarda dövlət orqanlarının dərhal müdaxilə etməsi, uşağın hüquqlarını qoruması və təhsilinin fasiləsizliyini təmin etməsi vacibdir.
Səringül Hüseynovanın işi təkcə fərdi ədalət axtarışı deyil- bu, uşaqların və anaların hüquqlarının sistemli şəkildə qorunması zərurətinin səsidir. Uşağın təhsildən məhrum edilməsi, valideynlər arasındakı mübahisələrdən asılı olmamalıdır.
Hər bir dövlət qurumu- məktəb, təhsil idarəsi qanunu icra etməli, şərh etməməlidir.


Redaksiya qeydi: Bu məsələ ilə bağlı Elm və Təhsil Nazirliyinə və Şirvan-Salyan Regional Təhsil İdarəsinə sorğu göndərilib. Cavab daxil olduqda, məlumat yenilənəcək.

]]> sakit Fri, 31 Oct 2025 17:30:53 +0400 https://tehsilmedia.info/index.php?newsid=15273 https://tehsilmedia.info/index.php?newsid=15273
Elm və təhsil naziri Emin Əmrullayev Azərbaycan təhsilinə zərrə qədər fayda verməyən “Yuva” Feminist təşkilatına milyonlarla manat qrant vəsaiti bağışlayıb.

Bu təşkilat qadınları feminist hərəkatına cəlb etməklə təşkilatlandırma və gender bərabərliyi mövzuları üzrə qrant layihələrdə iştiraklarını təmin etməklə müxtəlif mənbələrdən külli miqdarda maliyyə vəsaitləri əldə ediblər. Həmin dəstəyə cəlb olunan şəxslərin əldə etdikləri iri məbləğlər təxribatçılıq xarakterli materialların hazırlanmasına və tədbirlərin təşkilinə sərf edilib. Təkcə ötən il Elm və təhsil nazirliyi bu Feminist təşkilata qrant layihəsi adı ilə 102 min manat pul verib.

Nəzərə almaq lazımdır ki, nazirlik bu təşkilatı 2016-cı ildən himayə edir. Ötən ilin dekabrında araşdırmalar zamanı məlum dəstənin layihələrlə əlaqəli əldə etdikləri təxmini 700000 manat dəyərində maliyyə vəsaitləri, habelə layihələrlə əlaqəli bağlanmış müqavilələr, görülən işlərə, sərf edilmiş vəsaitlərə dair hesabat sənədləri, kassa mədaxil qəbzləri və ölkədə həyata keçirilmiş valyuta mübadilə orderləri müəyyən edilib.

Elm və təhsil nazirliyi müəllimlər üçün heç bir əhəmiyyəti olmayan “təlimlər” keçirən “Savad” Məhdud Məsuliyyətli Cəmiyyətə ildə təxminən 1 milyon manatdan çox vəsait ayırır. Bu təşkilatın rəhbəri Məhəbbət Vəliyeva Ramiz Mehdiyevin ən yaxın adamlarından biridir. “Savad” təlimçiləri müəllimlərin istirahət hüququnu kobud şəkildə pozurlar. Belə ki, hər həftənin altıncı və bazar günləri axşam saatlarında müəllimləri nazirliyin adından təhdid edərək lazımsız təlimlərə cəlb edirlər.

2013-cü ilin Dekabrın 14-də Heydər Əliyev Mərkəzində Azərbaycan müəllimlərinin XIV qurultayının gedişatında Ramiz Mehdiyev tanınmış bir professor pedaqoqun adını çıxışçılar siyahısından silərək həmin bu Məhəbbət Vəliyevanın adını yazmışdı. Şübhəsiz ki, Məhəbbət Vəliyeva qurultaya hazır konspektlə gəlmişdi.

Məhəbbət Vəliyeva həm də Ramiz Mehdiyevin oğlu Teymur Mehdiyevin sahibi olduğu “Şərq - Qərb” nəşrriyyatına iri məbləğdə pulların verilməsinə vasitəçilik edir və faktiki olaraq bu nəşriyyatın şəriklərindən biridir. Təhsil nazirliyi 2022-2023-cü tədris ilinə təhsil müəssisələrində kargüzarlığın aparılması üçün məktəb sənədləri blanklarının istehsalı ilə bağlı poliqrafiya işlərinin satın alınmasına dair elan etdiyi açıq tenderdə Ramiz Mehdiyevin biznes imperiyasına daxil olan “Şərq-Qərb” ASC qalib elan edib. Ramiz Mehdiyevin şirkətinə 36 milyon 108,1 min manat vəsait ödəyib.

2024-cü ildə Elm və Təhsil Nazirliyi tərəfindən keçirilən tender müsabiqəsinin qalibi “Şərq-Qərb”lə 2 milyon 535 min 277 manat dəyərində müqavilə imzalayıb. Müqavilənin şərtlərinə görə “Şərq-Qərb” ASC nazirliyin sifarişi əsasında 7-9-cü siniflər üzrə böyük ölçülü dərsliklər hazırlayacaq.
İstər feministlər, istərsə də R.Mehdiyevin oğlu və yaxın adamlarının sümürdüyü milyonların harada və nəyə xərclənməsinin izinə düşülməlidir.

]]> sakit Fri, 31 Oct 2025 17:18:24 +0400